မင်းရှေ့မှာချထားတဲ့
ဖန်ခွက်အလွတ်ကို
ဘာတစ်ခုမှ မထည့်လိုက်ပါနဲ့
ဘာတစ်ခုမှ...

ရေခဲသေတ္တာ တံခါးတွေကို
ပိတ်လိုက်ပါ..
သူတို့က ချိုမြိန်တယ်လို့
ပြောပေမဲ့..
ငါမသောက်ချင်ဘူး...

စားပွဲပေါ်က ဝိုင်ပုလင်းတွေ
ပြန်သိမ်းလိုက်ပါတော့
အိမ်မက်တစ်ခုထက်တောင်
ယစ်မူးစရာ ကောင်းနိုင်ဦးမလား
ငါတို့ နှစ်ယောက်အတွက်တော့..
ဒါတွေ မလိုအပ်ပါဘူးလေ...

အင်း.. ဟုတ်တယ်
သူတို့ရဲ့ ဖန်ခွက်တွေကတော့
တစုံတခုနဲ့ အမြဲပြည့်ဝနေလို့
မော့သောက်လိုက်တဲ့အခါ
တကမ္ဘာလုံး ပိုင်ဆိုင်သွားကြတယ်...
ချစ်ခြင်းမေတ္တာက လွဲလို့ပေါ့..။

မင်းရှေ့မှာချထားတဲ့
ဖန်ခွက်အလွတ်ကို
ဘာတစ်ခုမှ မထည့်လိုက်ပါနဲ့
ဘာတစ်ခုမှ...

ကိုင်း.. ငါတို့သောက်လိုက်ကြမယ်
ဖန်ခွက်အလွတ်တွေကို ပြိုင်တူမော့လို့..
ငါတို့ နှစ်ယောက်လုံး
ဖန်ခွက်အလွတ်တွေလို
ကြည်လင်သွားတဲ့ အထိပေါ့..။