ဆယ်တန်းစာမေးပွဲ(ယခု တက္ကသိုလ်ဝင်ခွင့် စာမေးပွဲ) အောင်စာရင်းထွက်ပြီးကာစ အချိန်ကလေးပေါ့ဗျာ….။ ကျွန်တော်နှင့် ကျွန်တော် အရမ်းခင်တဲ့ သူငယ်ချင်း ၃ ယောက်ဟာ ဘာလုပ်ရမလဲ မသိ ဘာသင်တန်းတက်ရင်ကောင်းမှန်းမသိနဲ့၊ နာမည်ကြီးတဲ့ သင်တန်း၊ လူကြိုက်များပါတယ်ဆိုတဲ့ သင်တန်းတွေကို ပိုက်ဆံပေး၊ ပြီးလျှင် သွားမတက်…..( တကယ် သွားမတက်တာတော့မဟုတ် အိမ်ကနေ သင်တန်းသွားမည်ဟု အကြောင်းပြ ပြီးလျှင် သင်တန်းမရောက်)။ ထိုသို့သော် အခြေအနေများနှင့် ကျွန်တော်တို့ အားလုံး အချိန်ကုန်မှန်း မသိကုန်လာခဲ့တာ ၂၀၀၄ ခုနှစ် ကုန်ခါနီး သို့ ရောက်လာခဲ့သည်။ ဒါနဲ့ ကျွန်တော်တို့ သင်တန်းတစ်ခုကိုတော့ ပုံမှန်နီးပါးတက်ဖြစ်ခဲ့ပါတယ်။ အဲဒီ သင်တန်းတွေထဲက ရွှေတိဂုံဘုရားလမ်းမှာရှိသော Asia Language and Business Academy (ALBA) ကိုတော၊့ အားလုံးတက် ဖြစ်ခဲ့ကြတယ်။ သင်တန်းကာလ ၃ လလောက်ကြာလာတော့ သူငယ်ချင်းတွေက ဆက်မတက်ဖြစ်တော့ဘူး။ တစ်ယောက်ပြီး တစ်ယောက် သင်တန်းက ထွက်ကုန်ကြတယ်။ ကျွန်တော်ကသာ ကျွန်တော့်အဖေရဲ့ တိုက်တွန်းချက်နဲ အဲဒီသင်တန်းကို မတက်ချင်တက်ချင်နဲ့ ဆက်တက်ခဲ့ရတယ်။ အပြည့်အစုံ ဆက်ဖက်ရန် အသစ်ထပ်မံ ရေးသားထားသော (ဇာတ်သိမ်းပိုင်း)
ဒါပေမဲ့လည်း ကျွန်တော် ကံကောင်းတာပဲလား၊ ဒါမှာ့မဟုတ် ကျွန်တော့်အဖေကိုပဲ ကျေးဇူးတင်ရမလား မသိခဲ့ဘူး။ အဲဒီသင်တန်းကို ဆက်တက်ခဲ့ရင်း ကျွန်တော်တက်နေတဲ့ သင်တန်းကို မိန်းကလေး ၂ ယောက် အသစ်ရောက်လာတယ်။ အခုတော့ အဲဒီမိန်းကလေးနှစ်ယောက် အကြောင်းကို ဖေါ်ပြရတော့မယ်၊ ဘာလိုလဲဆိုတော့ အဲဒီနှစ်ယောက်ထဲက တစ်ယောက်သောသူက ကျွန်တော်ရဲ့ ချစ်ရသော ချစ်သူ (ကျွန်တော့်ရဲ့ နတ်သမီးလေး) ဖြစ်လာမှာမို့ပါ။ တစ်ယောက်က မိန်းကလေးပီပီသသ (အရင်ခေတ်တုန်းကလို ထမီနှင့် ရင်ဖုံးအင်္ကျီဝတ်ထားတာမျိုးတော့ မဟုတ်) ခောတ်နှင့်အညီ ဝတ်ထားပြီး၊ ကျန်တစ်ယောက်ကတော့ ခေတ်ယောက်ျားလေးများလို ဘောင်းဘီတိုနှင့် တီရှပ်အင်္ကျီ ဝတ်ထားတဲ့ ကောင်မလေးပေါ့။ ဟီးဟီး….. အဲဒီတုန်းကတော့ သူတို့နှစ်ယောက်ကို ကြည့်လို့ကို မရတာ။ ဒါကလည်း ဖြစ်တတ်ပါတယ်…… ကိုယ်ကအတန်းထဲမှာ စီနီယာလေ… ဒီတော့ အာလုံးကို ကြည့်မရတာ။ နောက်တစ်ပတ် သင်တန်းချိန်ကြတော့ သင်တန်းသားတစ်ယောက် အသစ်ထပ်ရောက်လာတယ်။ ဒါကတော့ အဆင်ပြေတယ်…. ကျွန်တော်က သင်တန်းမှာ သူငယ်ချင်းတွေမရှိတော့ဘူးလေ၊ သောင်းကျန်းဖို့ သူငယ်ချင်းရတာပေါ့ မဟုတ်လား။
ကျွန်တော်လဲ အဲဒီသူငယ်ချင်းအသစ်နဲ့ပဲ ပေါင်းပြီး သင်တန်းမှာ သောင်းကျန်းတာပေါ့…. ဟဲဟဲ …..။ အော် မေ့နေလိုက်တာ သူငယ်ချင်းနဲ့ မိတ်ဆက်ပေးမလို့။ ကျွန်တော်နှင့် သင်တန်းမှာ သောင်းကျန်းဖေါ် သောင်းကျန်းဖက် သူငယ်ချင်းနာမည်ကတော့ “မျိုးမင်းဟန်”၊ ကျွန်တော်ကတော့ သူ့ကို “ဘီလူး”လို့ပဲခေါ်တယ်။ ကျွန်တော်တို့ နှစ်ယောက်က တစ်ပတ်မှာ စနေ၊ တနင်္ဂနွေ နှစ်ရက်တည်းရှိတဲ့ သင်တန်းကို စနေ၊ တနင်္ဂနွေ နှစ်ရက်ပဲ သင်တန်းမသွားတာ၊ ……. အမြဲတမ်းလိုလို သင်တန်းကလစ်ဖြစ်တယ်။ တစ်နေ့ နှစ်ယောက်တည်း သင်တန်းလစ်ရတာ ပျင်းတာနဲ အခြားလူတွေ(သင်တန်းသူ/သင်တန်းသားတွေ) ကိုပါ ဆွယ်လိုက်မယ်ဆိုပြီး တိုင်ပင်မိတာနဲ့ အားလုံးကို လိုက်ပြောတာ ပါးစပ်တာညောင်းသွားတယ်၊ ဘယ်သူကမှ ပြောလို့လည်းမရဘူး။ ဒါနဲပဲ သင်တန်းအောက်ကို ပြတင်းပေါက်ကနေ ငုံ့ကြည်မိတော့… ကျွန်တော် စောစောပိုင်းက ရှင်းပြခဲ့တဲ့ ကောင်မလေးနှစ်ယောက်…… ဘာလုပ်နေကြပါလိမ့်……။ သူတို့ဖာသာ မတ်တပ်ရပ်နေတာ ကျွန်တော်တို့နဲ ဘာဆိုင်တာမှတ်လို့နော်။
ဘီလူးက စပြီးပြောတယ်…. “ဟေ့ကောင်…. ဟိုနှစ်ယောက်ကို စကားသွားပြောရအောင်”……
ကျွန်တော်လည်း ဘာလို့လဲမသိဘူး…. သူပြောတာကို သဘောတူလိုက်တယ်….။ ဒါနဲပဲ ကျွန်တော်တို့ သင်တန်းအောက်ထပ်ကို အမြန်ဆင်းဖို့ဆိုပြီး ဓါတ်လှေခါး ခလုပ်ကိုနှိပ်လိုက်တယ်။ အမြန်ဆင်းချင်လို့လား မသိဘူး၊ ဓါတ်လှေခါးက တော်တော်နှင့်ကို ရောက်မလာဘူး။ ထားလိုက်ပါတော့….. ဓါတ်လှေခါးကိစ္စကို…. ခုတော့ အောက်ထပ်ကိုရောက်သွားပြီလေ။ သူတို့က စပြီးတော့ ကျွန်တော်တို့ကို ဘယ်စကားလာပြောမလဲ…… ကျွန်တော်တို့ကပဲ အလိုက်သိသိနဲ စကားစရတာပေါ့။ အစကတော့ ဘာပြောရင်ကောင်းမှန်းကို မသိတာ။ ဒါပေမဲ့ ဖြစ်ချင်တော့ ကျွန်တော်က သူ့ဖာတာသူ ထားထားတဲ့ ပန်းအိုးကို မတွေ့ဘဲ ဝင်တိုက်ပြီး သူနှစ်ယောက်ထဲက တစ်ယောက်ကို ဝင်တိုက်မိတာပဲ။ ဟဲဟဲ…. ကျွန်တော်ကလည်း ဘယ်ရမလဲ “ချော်လဲတုန်း ရောထိုင်ပေါ့”ဆိုပြီး သူတို့ကိုတောင်းပန်ရင်းနဲ့ မိတ်ဆက် သူငယ်ချင်းဖြစ်ပရစေပေါ့…..။ ပြီးတော့ ဘာလုပ်နေတာလဲလို့မေးလိုက်တော့…. သူကလေးက ပြန်ဖြေတယ် “မတ်တပ်ရပ်နေတာ”တဲ့ မခန့်လိုက်တာနော်……။ ကျွန်တော်လည်း ဇွဲမလျှော့ဘူး ပြောလိုက်တယ် “သင်တန်းလစ်မလို့လိုက်မလားလို့” မေးလိုက်တာ။ သူတို့နှစ်ယောက်ကလည်း သိပ်မခေါ်ရဘူး ပြန်ပြောတယ်...
“လိုက်မယ်”.........။
ဒါဆိုသွားမယ်ဆိုပြီး သင်တန်းအပေါ်မတက်တော့ဘဲ။ တစ်ခါတည်းကို သင်တန်းလစ်တော့တာပဲ။ သင်တန်းလစ်ပြီး ဘယ်နေရာတွေသွားတယ် မှတ်လိုလဲ သင်တန်းနဲ့ ဝေးလေကောင်းလေဆိုပြီးတော့ သင်တန်းနားက “လပြည့်ဝန်းပလာဇာ”ကို သွားတော့တာပဲ။ တစ်ပတ်၊နှစ်ရက်ပဲရှိတဲ့ သင်တန်းကို ကျွန်တော်တို့ လေးယောက်က စနေ၊ တနင်္ဂနွေ သင်တန်းရက်တွေဆိုရင် အဲဒီ “လပြည့်ဝန်းပလာဇာ” ဘေးက “Goodie Café and Snacks”မှာ အမြဲသွားထိုင်ဖြစ်ကြတယ်။ ဆိုင်ရောက်တော့ ဘီလူးက စပြီးတော့ သူတို့နာမည်ကို သေချာမေးတော့တာပဲ။ အဲဒီ အချိန်ကျမှဘဲ သူတို့နာမည်ကို သေချာသိတော့တယ်။ မိန်းကလေးပီသပါတယ်ဆိုတဲ့ ကောင်မလေးနာမည်က “ဝတ်မှုန်”တဲ့ ကျွန်တော်ကတော့ သူကိုနာမည်ပေးလိုက်တယ် “ဝက်သိုး”လို့၊ နောက်တစ်ယောက်ရဲ့ နာမည်က “ဟန်နီဦး”တဲ့ ကျွန်တော်တို့ကတော့ သူကို “ငယ်”လို့ပဲခေါ်ကြတယ်။ အဲဒီအချိန်မှာ “ငယ်” ဆိုတဲ့ သူကလေးကို ကျွန်တော်စိတ်ဝင်စားမှု စခဲ့မိတာပါ။ အဲဒီ Café မှာ ထိုင်ပြီး အရင် သင်တန်းအချိန်တုန်းက တစ်ယောက်နှင့် တစ်ယောက် အတန်းထဲမှာ ရန်ဖြစ်ခဲ့တဲ့ အကြောင်းတွေကို ပြန်ပြောရင်း ရန်ဖြစ်နေလိုက်တာ ပျော်ဖို့တော့ အတော်ကောင်းတယ်။ အချိန်ကလဲ ကုန်မြန်လိုက်တာ သင်တန်းချိန်က ပြီးတော့မှာမလို့ ကျွန်တော်တို့အားလုံး သင်တန်းကိုပြန်ခဲ့ရတယ်။ (အဲဒီနေ့က ကျွန်တော်အမှန်အတိုင်းဝန်ခံပါတယ် “တစ်ကယ်ပျော်ရွှင်ခဲ့ပါတယ်”။)
သူမအလုပ်က ကမ္ဘာအနှံ့ လှည့်လည်သွားလာနေရသည်။ အထူးသဖြင့် ဥရောပနိုင်ငံများသို့ အသွားများသည်။ သူမလို အမြဲခရီးသွားနေသူတစ်ဦးအတွက် ဟိုတယ်၊ တည်ခိုခန်းတို့ မှာသူ့ ဘ၀ရဲ့ တစ်စိတ်တစ်ဒေသလိုဖြစ်နေသည်။ ဟိုတယ်တွေ၊ တည်းခိုခန်းတွေမှာပဲ သူမရဲ့ ညများကိုဖြတ်သန်းရသည်။ သူမနေသားကျလာသည်။ သူမှ၏ ချစ်သူနှင့်လည်း တစ်လတွင် တစ်ရံတစ်ခါမျှလောက်သာတွေ့ ဖြစ်သည်။ သူမှချစ်သူသည် ဆေးလိပ်သောက်သည်။ သူမနှင့်စတွေ့ ပြီးမှ ဖြတ်ခဲ့သည်။ သူမဆေးလိပ်ကို မုန်းသည်။ ဆေးလိပ်နံ့ ကလည်း အလွန်အကဲ အာရုံခံနိုင်သည်။ သူမ မကြိုက်ပါ။ သူမချစ်သူက ဆေးလိပ်မသောက်ပါဘူး၊ စီးကရက်သောက်တာပါဟုပြောသောကြောင့် သူမနှင့် ၂လကျော်မျှ အဆက်အသွယ်ပြတ်ခဲ့သည်။ သူမ ချစ်သူအမည်မှာ ရဲမင်းသူ။ ရဲမင်းသူက သူမ ဆေးလိပ်မသောက်ရန်တားသည်ကို သတ်သတ်ဂျီကြသည်အထင်နှင့် ထိုကဲ့သို့ ပြောခြင်းဖြစ်သည်။ သူမနောက်ကြောင်း သူမ၏နာကျဉ်းမှုများကို သိတော့မှ သူမအား ကတိပေးကာ ဆေးလိပ်ဖြတ်သည်။ သူမကို အရင်ကထက်ပိုဂရုစိုက်သည်။ သူမအတွက် လိုအပ်သည်အချိန်တွင် မင်းသူ အမြဲရှိနေ၍ သူမ သူ့ ကိုချစ်သည်။ သူမ အသက် ၁၇နှစ်အရွယ်တွင် သူမ အဖေက အဆုတ်ရောဂါဖြင့် သူမကို စွန့် ခွာသွားသည်။ ဆရာဝန်က ဆေးလိပ်အလွန်အမင်းသောက်သောကြောင့် မဖြစ်သင့်သော ဘေးသင့်မှုများဖြစ်၍ အသက်ဆုံးရကြောင်းပြောသည်။ သူမအမေ မရှိသည့်နောက် သူမ အဖေသည်သာ အဖေ၊ အဖေသည်သာ အမေ ဖြစ်ခဲ့သည်။ ချစ်သည်။ အားကိုးသည်။ ကဲ့သို့ သော အဖေတစ်ခု၊ သမီးတစ်ခု အခြေအနေတွင် သူမဘ၀ ထဲမှ သူမအဖေကို ထုတ်ယူသွားခဲ့သော ဆေးလိပ်ကိုသူမမုန်းသည်။ သူမကို ပညာသင်၊ လူမ၀င်မဆံ့ခင်ကတည်းက လောကအလည်တွင် တစ်ကိုယ်တည်းဖြစ်အောင် ဖန်တီးခဲ့သော ဆေးလိပ်များကို သူမ အလွန်မုန်းတီးနေသည်။ သူမတွင် ဆွေဆို၊ မျိုးဆို၍ တစ်ဦးတစ်ယောက်မျှမရှိ၊ သူမကိုယ်သူမ ရုန်းကန်ရင်း သူမအသက် ၂၁ နှစ် တက္ကသိုလ်ကျောင်းပြီးချိန်တွင် သူမဘ၀၌ သူမကို ဂရုစိုက်သော သူမချစ်သူနှင့်တွေ့ သည်။ သူမနှင့် တွေ့ ပြီးမှ ဆေးလိပ်ဖြတ်လိုက်သော်လည်း မင်းသူတွင် အဆုတ်ကင်ဆာဆွဲကပ်နေပေပြီ။
သူမ ဘ၀တွင် ဆေးလိပ်သည် လွန်စွာ အရေးပါ၊ အရာရောက်သော ကဏ္ဏမှ ပါဝင်ကာ သူမကို ခံစားစေခဲ့သည်။ သူမဆေးလိပ်ကို ရှောင်သည်။ ဆိုင်ထိုင်လျှင်လည်း Non-Smoking Area -၊ အလုပ်ကိစ္စ အတွက် Hotel တည်းလဲ Non-smoking နှင့် Smoking Room ခွဲခြားထားသော Hotel များ၌သာ တည်းသည်။
သူမနှင့်သူမချစ်သူတို့ ယခုနှစ်သစ်ကူးတွင် လက်ထက်ကြတော့မည်။ သို့ သော်သူမကတော့ အလုပ်ကိစ္စများ မပျက်သေး။ သူမ ဒီစင်ဘာ ၂၅ ရက်နေ့ တွင် သူမပြင်သစ်သို့ သွားရပေဦးမည်။ သူမ ချစ်သူအား New Year အမှီပြန်လာမည်ဟု ကတိပေးပြီးထွက်လာခဲ့သည်။
ဤခရီးစဉ်သည်သူမ အတွက်နောက်ဆုံးဖြစ်လိမ့်မည်။ ချစ်သူနှင့် လက်ထက်ပြီးသူမ အလုပ်မှထွက်၍ အိမ်၌သာ အေးအေးဆေးဆေး အိမ်ရှင်မလုပ်တော့မည်၊ ချစ်သူအတွက် အရင်မတွေ့ ခဲ့ရသော အချိန်များအတွက် အတိုးချ ဂရုစိုက်တော့မည်ဟု သူမစိတ်ကူးသည်။ သူမပြင်သစ်နိုင်ငံ ပဲရစ်သို့ ရောက်သည်။ ကြိုကင်ဘိုကင်မလုပ်ထားသည်ကတစ်ကြောင်း၊ ခရစ်စမတ်စ် ဖြစ်သည်ကတစ်ကြောင်း ဟိုတယ်တော်တော်များများမှာ အခန်းလွတ်များမရှိကြတော့။ ဤအတိုင်းဆို သူမအလုပ်ကိစ္စများကို New year မတိုင်မှီ အဆုံးသက်နိုင်မည်မထင်။ သူမ စိတ်ပျက်လက်ပျက်နှင့် အီဖယ်ရ် မျှော်စင်အနီးရှိ ဟိုတယ်တစ်ခုတွင် အခန်းလွတ်ရှိမရှိ ၀င်ရောက်စုံစမ်းသည်။ ကံအားလျော်စွာ သူမအခန်းတစ်ခန်းရသည်။ သို့ သော် Smoking Room ဖြစ်သည်။ သူမတွေဝေသွားသည်။ သူမ Non-Smoking Room ရှိမရှိမေးရာ ရှိကြောင်း၊ သို့ ပေမယ့် နှစ်ယောင်ခန်းဖြစ်ကြောင်း၊ တစ်ဦးထဲနေမည့်သူများကို ငှားလေ့မရှိကြောင်း ဟိုတယ်ဝန်ထမ်းမှဆိုသည်။ သူမ နှစ်ယောက်စာ အခန်းခပေးမည်ဆိုသော်လည်း လက်မခံ။ ဤအခန်းတွင် တစ်ယောက်တည်း လုံးဝမငှားနိုင်ကြောင်း၊ ထိုအခန်းတွင် တစ်ယောက်တည်းနေထိုင်ပါက အမှုအခင်းများဖြစ်တတ်သဖြင့်မငှားကြောင်း ရှင်းပြသည်။ သူမ သရဲ၊ တစ္ဆေနှင့် ယုတ်စွအဆုံး ဘုရားသခင်ကိုပင် အယုံအကြည့်မရှိ။ သူမအဖေ ဖျားနာစဉ်က သူမ ဘုရားသခင်ထံတွင် အမျိုးမျိုး၊ အကြိမ်ကြိမ် ဆုတောင်းခဲ့ဖူးသည်။ သူမ ထိုကတည်းက ဘုရားသခင်ကို အယုံအကြည်မရှိ၊ ၄င်းဟောကြားသော တရားများကိုလည်းအယုံအကြည်မရှိတော့။ သူမ ပြုံးသည်။ သူမ ဤအခန်း၌သာနေမည်ဟုပြောလိုက်သည်။ ဟိုတယ်ဝန်ထမ်းမှ သူမကို မန်နေဂျာနှင့်တွေ့ ပေးသည်။ သူမကို သူမ ဂျာနယ်လစ်လိုလို ပြောပါမှ ဟိုတယ်မန်နေဂျာမှ စိတ်မသာ၊ မယာနှင့် အခန်းသော့ပေးလိုက်သည်။ ဤသော့ကား သူမအသက်ကိုနုတ်ယူသွားနိုင်သောအခန်းတံခါးသော့ဖြစ်ကြောင်းသူမ မသိခဲ့။ဘာပဲဖြစ်ဖြစ်သူမှ ကျေနပ်သည်။ သူမ အတွက်က Non-Smoking Room ဖြစ်လျှင်ပြီးရောသဘောထားသည်။ သူမှ အခန်းသို့ တန်းမသွားပဲ ဟိုတယ်စားသောက်ခန်းတွင် ညစာစားသည်။ သူမ ဆက်သွယ်စရာရှိသည့် အလုပ်ကိစ္စများကို လုပ်ပြီးမှ သူမအခန်းသို့ လာခဲ့သည်။ သူမ ဓာတ်လှေခါးထဲဝင်၍ သူမှာ သွားရမည် အထပ်နံပါတ် ၁၄ ကို နှိပ်လိုက်သည်။ ယင်းဟိုတယ်တွင် ၁၃ ထပ်မရှိ။ ၁၄ ထပ်သည် ၁၃ထပ်မြောက်အထပ်ဖြစ်သော်လည်း အနောက်တိုင်းအယူအဆများအရ ၁၃ ကို Unlucky နံပါတ်ဟု အယူရှိသည်။ သူမပြုံးလိုက်သည်။ သူမတွင် ထိုသို့ အယူအဆများမရှိ။ သူမ အခန်းသည် အစွန်ဆုံးအခန်း၏ကပ်လျက်အခန်း နံပါတ် ၁၄၁၃ ဖြစ်သည်။ သူမ အခန်းတံခါးကို ဖြည်းငြင်းစွာဖွင့်လိုက်သည်။ သူမ အာရုံထဲတွင် ထူးဆန်းသော အငွေ့ အသက်များကို ခံစားရသည်။ အသက်ဝိညာဉ်များသူမအနီးတွင် ရှိနေသည်ဟုလည်းကောင်း ခံစားလာရသည်။ သူမစိတ်တွေ အလိုလို လေးလာသည်။ သူမကိုယ်သူမှ တစ်စုံတစ်ရာမှ တစ်စုံတစ်ခုဖြစ်တော့မည်ဟု သတိပေးနေသလိုလိုဖြစ်လာသည်။ သူမ စိတ်ကို အတတ်နိုင်ဆုံး ထိန်းချုပ်ကာ ပေါ့ပေါ့ပါးပါးထားကာ လေကိုတ၀ကြီးရှုလိုက်သည်။ သူမ ရေမိုးချိုး၊ အ၀တ်အစားများလဲလိုက်သည်။ တနေ့ လုံးခရီးပန်းလာသမျှ ပေါ့ပါးလန်းဆန်းသွားသည်။
သူမနာရီကိုကြည့်လိုက်သည်။ ည ၈း၄၅ သူမ ချစ်သူဖုန်းဆက်တော့မည်။ သူမချစ်သူက သူမဘယ်နေရာရောက်ရောက် ည ၉ နာရီဆိုလျှင်ဖုန်းဆက်နေကြဖြစ်သည်။ ထိုမှဆက်၍ သူမ ချစ်သူအကြောင်းတွေးဖြစ်လာသည်။ သူမချစ်သူတွင် အဆုတ်ကင်ဆာရှိနေပြီ။ သူမနှင့် မကြာခင်မှာပဲ လက်ထက်တော့မည်။ မကြာခင်မှာပဲသူမကို ခွဲခွာသွားပေတော့မည်။ သူမ မျက်ရည်တွေဝဲလာသည်။ သူမ စိတ်တွေ ရှုပ်ထွေးလာသည်။ သူမ စိတ်ပြေလက်ပျောက် TV ကြည့်ရန် TV remote ကိုကောက်ကိုင်လိုက်သည်။ သူမ Power On လိုက်သော်လည်း TV ကပွင့်မလာ။ သူမ အကြိမ်ကြိမ် ကြိုးစားကြည့်သည်။ မရ။ သူမ Room Service ကို ဖုန်းခေါ်ရန် ဖုန်းရှိရာကိုလှမ်းလိုက်သည်။ သူမနှာခေါင်းထဲတွင် ဆေးလိပ်နံ့ ကို စူးစူးရှရှရလိုက်သည်။ သူမ မသေချာ၍ သေချာ ရှူရှိုက်ကြည့်ပြန်သည်။ ထိုဆေးလိပ်နံ့ မှာ ဤအခန်းအနီးတစ်ဝိုက်မှလာကြောင်းသူမ ရိပ်မိသည်။ သူမ ထောင်းကနဲ ဒေါသထွက်သွားသည်။ သူမကို ဤအထပ်တစ်ခုလုံးသည် Non-Smoking ဖြစ်ကြောင်းဟိုတယ်မှပြောထားသည်။ သူမ TV ဖွင့်မရသည်ကိုပင် သတိမရတော့ သူမဖုန်းကို ဇက်ကနဲ့ ကောင်ကိုင်၍ ဤအခန်းသည် Non-Smoking Room ဟုတ်မဟုတ်မေးသည်။
"ဟုတ်ပါတယ်ခင်ဗျာ။ ၁၄ထပ်တစ်ထပ်လုံးက Non-Smoking Zone ပါ"
"ဒါဆို အဲဒီ ဆေးလိပ်ငွေ့ တွေက ငါ့အခန်းထဲ ဘာကြောင့်ရောက်လာတာလဲ။ ငါမန်နေဂျာနဲ့ စကားပြောမယ်။"
သူမ ဖုန်းပြောရင်းနှင့် လေ၀င်လေထွက်ကောင်းရန် ၀ရန်တာတံခါးကို ဖွင့်လိုက်သည်။
.........................................................
သူမလက်ထဲမှ ဖုန်းသူမ၏ လက်ချောင်းအားအသိမပေးဘဲ လွှတ်ကျသွားသည်။ အကျီ င်္အနက်၊ Styel pant အနက်ရောင်၊ ဥရောပသားတစ်ဦး သူမကိုကျောပေးလျက် ၀ရံတာအပြင်ဘက်၌ ရပ်နေသည်။ ဆေးလိပ်ငွေ့ များကိုပါးစပ်မှ လွှတ်ထုပ်လိုက်သည်။ လက်ကြားတွင်းမှ ဆေးလိပ်အဆီခံကို လက်ချောင်းများဖြင့် ကန်ထုတ်လိုက်သည်။ ဆေးလိပ်အဆီခံသည် သူအဖော်များရှိရာ ၀ရံတာတစ်နေရာကြမ်းပြင်ပေါ်ရှိ အဆီခံများအတွင်းသို့ ဝင်ရောက်သွားသည်။ ထိုသူ မည်ကဲ့သို့ သူမအခန်းတွင်းသို့ ရောက်ရှိနေသနည်း။ သူမ ဖုန်းပြောနေစဉ် သူမအားအသိမပေးဘဲဝင်ရောက်နေခြင်းလော။ သူမ အခန်းတံခါးကို Lock ချခဲ့၊ မချခဲ့ သူမ မသေချာ။ သူမထိုသူကို စိုက်ကြည့်နေဆဲ။ သူမ Eiffel tower ကို မြင်နေရသည်။ သူမ၏မြင်ကွင်းကို ထိုသူက ကာနေခြင်းဖြစ်သော်လည်း ထိုလူ၏ ကိုယ်ခန္ခာကို ဖောက်၍ မြင်နေရခြင်းဖြစ်သည်။ သူမ အကြီးအကျယ် တုန်လှုပ်နေပြီ။ ထိုစဉ် ထိုလူက သူမကြည့်နေသည်ကို သိသည့်အနေဖြင့် သူ၏ပုခုန်းပေါ်မှ ကျော်၍ သူမကိုလှည့်ကြည့်သည်။ သူ၏မျက်နှာမှာ ၀မ်းနည်းကြေကွဲမှုများ ပြည့်နှက်နေသော်လည်း သူမကို ကြိုးစား၍ ပြုံးပြသည်။ သူမ ထင်သလောက်ကြောက်စိတ်များဖြင့်ပြည့်မနေတော့။ စိတ်ညှို့ ခံရသောလူတစ်ယောက်လို သူမ ရပ်ကြည့်နေဆဲ။ ထိုသူ သူမဘက်သို့ ဖြည်းငြင်းစွာလှည့်လိုက်သည်။ "လူ့ ဘ၀မှာ ဆုံးရှုံးမှုတွေအရမ်းများတယ်။ ဆုံးရှုံးပြီးရင်း ဆုံးရှုံးနေမှာဘဲ။ ကိုယ်ဘက်က မဆုံးရှုံးခင် ဘ၀ကို သေခြင်းနဲ့ ပဲအနိုင်ပိုင်းရမှာဘဲ။"။ ထိုသို့ ပြောပြီး ထိုသူသည် ၀ရံတာတစ်ဖက်သို့ လှည့်၍ အားကစားသမားတစ်ယောက်လို့ ဝရံတာတန်းပေါ်တွင် မတ်တက်ရပ်လိုက်သည်။ သူမတစ်လှမ်းခြင်း ထိုသူအနီးသို့ လှမ်းကာသွားသည်။ တီ..တီ.. တီ.. သူမhandphone မှအသံ။ သူမခြေလှမ်းများ ရုတ်တရပ် တန့် သွားသည်။ ထိုသူ ၁၄ထပ်အမြင့်ရှိသော ဟိုတယ်ပေါ်မှခုန်ချလိုက်သည်။ သူမ အသိစိတ်တို့ ပြန်ဝင်လာသကဲ့သို့  သူမရှေ့မှ ခုန်ချသွားသောသူကို ကြည့်၍သူမ အားကုန်အော်လိုက်မိသည်။
................................................။.......။.....................
"ဟင်...ခိုင်ဘယ်ရောက်နေတာလဲ..."
"ခိုင်...အခုဆေးရုံမှာ၊ ဘာမှမစဉ်းစားနဲ့ ဦး။ ခိုင်ဘေးမှာ မောင်ရှိတယ်" သူမလက်ကိုဆွဲကိုင်လျက်။
"ဟိုတယ်မှာ ခိုင်ကိုလူတစ်ယောက်က ခုန်ချဖို့ ပြောတယ်။ သူကိုယ်တိုင်လည်း ဟိုတယ်ပေါ်က ခုန်ချတယ်"
"ခိုင် ..အိပ်မက်တွေမက်နေတာပါ။ ခိုင်ဟိုတယ်မှာ မူးလဲလို ..့"
"မဟုတ်ဘူးမောင်..ခိုင်ကိုယ်တိုင်တွေတာ"
"......"
သူမ အော်သံကြောင့် ဟိုတယ်ဝန်းထမ်းများ သူမ အခန်းသို့ ရောက်လာပြီးသူမ မူးလဲနေသည်ကိုတွေ့ ရ၍ဆေးရုံပို့ ခဲ့ကြောင်း။ သူမချစ်သူသည် သူမဆေးရုံရောက်ရှိနေကြောင်းသိရသဖြင့် လိုက်လာကြောင်း။ ဟိုတယ်တွင် မည်သူမှ ခုန်မချခဲ့ကြောင်း သူမသိရသည်။ သူမဆေးရုံမှ ဆင်းသည်။ သူမနှင့် ချစ်သူ ထိုဟိုတယ်သို့ ပြန်သွားသည်။ ထိုအခန်း၌ တည်းသည်။ လွန်ခဲ့သောနှစ်နှစ်ခန့် က ထိုအခန်းတွင်းတွင် စီးပွားရေးသမားတစ်ယောက် ခုန်ချ၍ကိုယ်ကိုကိုယ် သေကြောင်းကြံခဲ့ကြောင်း၊ ထိုနောက် ထိုအခန်းတွင် တစ်ယောက်တည်းတည်းသော ခရီးသည်များ တနည်းမဟုတ်တနည်းဖြင့် သေကြောင်းကြံခဲ့ကြောင်းသိရသည်။ ထိုမှစ၍ တစ်ယောက်တည်းခရီးသည်များကို ထိုအခန်းတွင်လက်မခံခဲ့ကြောင်း။ ဟိုတယ်တစ်ထပ်လုံးကိုလည်း ၀ရံတာများဖျက်၍ အသစ်ပြန်ဆောက်ခဲ့ကြောင်း သိရသည်။ သူမ အခန်းတစ်ခန်းလုံးကို လှည့်ပတ်ကြည့်သည်။ အခန်းက သူမနေခဲ့စဉ်ကလိုပင်။ သူမ ၀ရံတာတံခါးကို ဆွဲဖွင့်ကြည့်သည်။ တံခါးမဟုတ် တံခါးသဏ္ဏန် ပြူတင်းပေါက်တစ်ခုသာဖြစ်သည်။ အရင်က ဆေးလိပ်အဆီခံများ ပြည့်နေသော ၀ရံတာကြမ်းပြင်ရှိမနေ။ ၀ရံတာလည်းရှိမနေ။ ပြင်သစ်မြို့ ၏ အေးမြသော လေပြည်လေညင်းတို့ သာ.....
<၀န်ခံချက်။ ။ဖြစ်ရပ်မှန်ကို အခြေခံသည်>
အဖိုးအိုက လိပ်ပြာကိုစောင့်မျှော်နေခဲ့သည်။
ဆရာဝန်ကတော့ သွေးခုန်နှုံးတိုင်းစက်ဖန်သားပြင်ပေါ်မှ တစ်စထက်တစ်စတိုဝင်သွားနေသော လှိုင်းအလျှားတို့ကိုကြည့်၍ အဖိုးအို၏ နောက်ဆုံးထွက်ခွါချိန်ကို စောင့်မျှော်နေခဲ့သည်။
အဖိုးအို၏ အသက်ကိုမှီရန် အချိန်ကိုလု၍ မောင်းနှင်လာသော ကားတစ်စီးကလည်း မီးပွိုင့်တစ်ခု၏ မီးစိမ်းပြချိန်ကို စောင့်မျှော်နေခဲ့သည်။
ဤဆေးရုံသံကုတင်ပေါ်ရောက်ရှိချိန်မှစ၍ အဖိုးအို၏ ခန္ဓာကိုယ်သည် ကော်နှင့်အသေကပ်ထားသကဲ့သို့ မလှုပ်မယှက်ငြိမ်သက်စွာရှိနေခဲ့သည်။ သို့သော် စူးရှတောက်ပသည့် သူ့မျက်လုံးတွေကတော့ တချက်မှအငြိမ်မနေပဲ ဆေးရုံအပြင်ဖက်ပန်းခြံတစ်ခုလုံးကို ဝေ့၀ိုက်၍ တစ်စုံတစ်ခုကို စိတ်အားထက်သန်စွာ ရှာဖွေနေခဲ့သည်။ သူ့အတွေးတွေထဲမှာလည်း တစ်ယောက်တည်း တီးတိုးစကားတွေ မွတ်သိပ်စွာရေရွတ်နေသည်။
“လိပ်ပြာရယ်…ရောက်လာပါတော့လား။ ငါ့မှာတော့ တစ်ဘ၀စာ ပန်းပွင့်တွေ ငါးမျှားချိတ်မှာ သီပြီး မင်းကိုထိုင်မျှားနေခဲ့ရတာ။ ပွင့်ဖတ်တွေကြားမှာများ မင်း....ပုန်းအောင်းနေခဲ့တာလား….”
ဆရာဝန်က တစ်ကိုယ်လုံးရစရာမရှိအောင် အရိုးတွေကြေမွှနေသော အဖိုးအိုကို ဂရုဏာသက်စွာကြည့်ရင်း
"အဘကိုယ်တိုင် သစ်ပင်ပေါ်တက်ပြီး ခူးရလောက်အောင် ဘာသီးတွေမိုလို့လည်း အဘရာ"
"လိပ်ပြာသီး"
"ဗျာ........လိပ်ပြာသီး.........."
"ဟုတ်တယ်...လိပ်ပြာသီးတက်ခူးတာ"
ဆရာဝန်က အလန့်တကြားနှင့် နောက်သို့ခြေတစ်လှမ်းဆုတ်လိုက်ရာ လိပ်ပြာပုံပါသော အဖိုးအို၏ သောက်ရေခွက်ကို သူ့လက်နှင့် မတော်တဆတိုက်မိသွားသည်။
"ခွမ်း..."
မာကြောကြွပ်ဆပ်နေသော လိပ်ပြာတောင်ပံတွေ ကြမ်းပြင်ပေါ် အပိုင်းအစတွေအဖြစ်လွင့်စင်၍ ပြန့်ကျဲသွားသည်။
အဖိုးအိုကတော့ သစ်ကိုင်းဖျားတွင် နားနေသော လိပ်ပြာတစ်ကောင်ကို ဖမ်းယူဖို့အားထုတ်ရင်း ခြေချော်လက်ချော်ဖြစ်ကာ သစ်ပင်ပေါ်မှ ပြုတ်ကျခဲ့ရသည်။
ထို့နောက် မာကြောကြွပ်ဆပ်နေသော သူ့အရိုးများ သူ့ခန္ဓာကိုယ်အတွင်း အပိုင်းအစတွေအဖြစ်လွင့်စင်၍ ပြန့်ကျဲသွားခဲ့သည်။
လိပ်ပြာနှစ်တစ်ခုမှာ မွေးခဲ့သော အဖိုးအို လိပ်ပြာတစ်ကောင်ဖမ်းယူဖို့ကြိုးစားခဲ့ရင်း အခုတော့ ဆေးရုံတစ်ခုပေါ်မှာ သူ့ကိုယ်ပိုင်လိပ်ပြာတွေ လွင့်ထွက်မသွားအောင် အားယူ၍တိုက်ခိုက်နေခဲ့ရပြီ။
ဆရာဝန်ကတော့ အဖိုးအို၏ အဖြစ်အပျက်ဆိုးများကိုကြည့်ရင်း လိပ်ပြာလွင့်လုမတတ် ခံစားနေရသည်။
"အင်းလေ ဘာပဲဖြစ်ဖြစ် သူ့မိသားစုကတော့ သူ့အသက်ကိုမှီလောက်ပါတယ်လေ။ အဖိုးအိုကလည်း သူတို့အလာကို အားတင်းပြီးစောင့်မျှော်နေခဲ့တာပဲ"
ဆရာဝန်က မေးရိုးကြီးတွေတင်းခံရင်း တစ်စုံတစ်ခုကို စိတ်အားထက်သန်စွာ စောင့်မျှော်နေခဲ့သော အဖိုးအိုကိုကြည့်၍ တီးတိုးရေရွတ်နေသည်။
သို့သော် ဆရာဝန်တွေးနေသလို အဖိုးအိုက သူ့မိသားစုကိုစောင့်မျှော်နေခြင်းတော့ မဟုတ်။ သူ့စောင့်ဆိုင်းနေသော အရာမှာ သူငယ်စဉ်ကတည်းကရှာဖွေနေခဲ့သော အမည်းရောင်
လိပ်ပြာတစ်ကောင်ပင်ဖြစ်သည်။
လိပ်ပြာမှလွဲ၍ မည်သည့်အရာကိုမှ စိတ်ဝင်စားချင်းမရှိခဲ့သောသူ ဘ၀ကို လိပ်ပြာတောင်ပံတွေအောက်၌ ပုန်းးခိုရင်းကုန်လွန်စေခဲ့သည်။ လိပ်ပြာအမျိုးပေါင်း ၁၇၅၀၀ ရှိသည့်အနက် အချောဆုံး၊ အလှဆုံးဆိုတဲ့ လိပ်ပြာတွေကို လိုက်လံဖမ်းယူရင်း ၀တ်မှုံတွေကြား၌သာ သူ့ဘ၀ကို မြုပ်နှံခဲ့သည်။
သို့သော် သူ အလိုချင်ဆုံးခဲ့လိပ်ပြာသည် တစ်ကိုယ်လုံး၌ မဟူရာရောင်များ အတိပြီးနေသော အမည်းရောင် လိပ်ပြာဘုရင်မတစ်ကောင်ပင်ဖြစ်သည်။ ထိုအမည်းရောင်လိပ်ပြာဘုရင်မကို တောတောင်တွေထဲအထိ သူလိုက်လံရှာဖွေခဲ့သော်လည်း ဒီနေ့ထိ သူရှာမတွေ့ခဲ့။
ထိုနေ့ကလည်း သူ့အိမ်အပြင်ဘက် သစ်ပင်ပေါ်၌ အမည်းရောင် လိပ်ပြာတစ်ကောင် လာနားနေတာကိုမြင်ခဲ့ရပြီး သူတသက်လုံး ရှာဖွေနေခဲ့သော လိပ်ပြာထင်၍ ရင်တွေခုန်ခဲ့ရကာ ထိုလိပ်ပြာကို ဖမ်းဆီးရန် သူ အပင်ပေါ်သို့ လှေကားထောင်၍ အငမ်းမရ လှမ်းတက်ခဲ့သည်။
သို့သော် အနီးကပ်သေချာစွာ ကြည့်လိုက်သောအခါ လိပ်ပြာ၏တောင်ပံထိပ်နား၌ အဖြူရောင်အစက်အပြောက် အနည်းငယ်ပါရှိနေသည်ကို စိတ်ပျက်စွာဖြင့် သူတွေ့လိုက်ရသည်။ ပို၍သေချာစေရန် ရှေ့သို့အနည်းငယ်ထပ်တိုးလိုက်စဉ် သူ ခြေချော်၍ သစ်ပင်ပေါ်မှ ဒလိမ့်ခေါက်ကွေးနှင့် ပြုတ်ကျခဲ့ရခြင်းဖြစ်သည်။
တကိုယ်လုံးရှိ အရိုးများကျိုးကြေကာ သူမေ့မြောသွားခဲ့ပြီး သူ့ခြံအလုပ်သမားက သူ့ကိုဆေးရုံသို့ အရေးပေါ်လိုက်ပို့ခဲ့ရသည်။ သို့သော် မပြီးပြတ်သေးသော ကိစ္စတစ်ခုအတွက် သူချက်ချင်းမသေနိုင်သေးပဲ အနည်းငယ်သတိရလာသည်နှင့်တပြိုင်နက် ထိုမတွေ့ရှိခဲ့ရသေးသော လိပ်ပြာကိုသာ တမ်းတနေခဲ့မိသည်။
ဆရာဝန်က ဒီအတိုင်းထိုင်စောင့်နေရတာကို လိပ်ပြာမလုံတော့ပဲ ကုတင်ခြေရင်းမှ အဖိုးအို၏လူနာမှတ်တမ်းကိုလှန်လော၍ ကြည့်ရှုနေလိုက်သည်။
အမည် - ဦးလွမ်းလိပ်ပြာ
အဖအမည်-ဦးပန်းချစ်
မွေးသက္ကရာဇ်-၂၀.၀၂.၁၉၄၂
အလုပ်အကိုင်-လိပ်ပြာဗေဒပါရဂူ
နေရပ်လိပ်စာ- အမှတ်(၁၉၆)၊ သတိပဋ္ဌာန်လိပ်ပြာလမ်းသွယ်၊ ငွေလိပ်ပြာဂေဟာ
.........................................
.........................................
.........................................
.........................................
.........................................
လူနာရှင်- ဒေါ်ဝတ်မှုံပွင့်
တော်စပ်ပုံ-သမီး
ဖုန်းနံပါတ်-၀၁၂၀၀၅၈၇
ဆက်သွယ်ရန်လိပ်စာ - ရွှေလိပ်ပြာစားသောက်ဆိုင်၊ အမှတ်(၁၂၇)၊ ပန်းခြံလမ်း
ပြီးတော့မှ ဆရာဝန်က တစ်စုံတစ်ခုကို သတိရသွားသလိုနှင့်
"အပြင်မှာ လေစိမ်းတွေ တိုက်နေတယ် အဘရဲ့။ ကျွန်တော် ပြတင်းပေါက်ကို ပိတ်လိုက်ပါရစေ"
အဘိုးအိုက နာကျင်ကိုက်ခဲနေသော သူ့ဦးခေါင်းကို လှုပ်သည်ဆိုရုံမျှလှုပ်ပြရင်း သူသဘောမတူကြောင်းကို အချက်ပြလိုက်သည်။
"လိပ်ပြာတွေက လေစိမ်းတွေရှိတဲ့ နေရာမှာပဲပျော်တာ။ တစ်ကမ္ဘာလုံးမှာ လေစိမ်းတွေတိုက်နေကြပါစေ"
ဆရာဝန်က ဘာကိုမှနားမလည်နိုင်တော့။ ဘာပဲဖြစ်ဖြစ် သူကတော့ သူ့မိသားစုတွေ ရောက်လာသည့် အချိန်အထိ အဖိုးအို၏အသက်ကို ရသလောက်ဆွဲဆန့်ထားချင်သည်။
ပြတင်းပေါက်တွေကတော့ လိပ်ပြာတွေတောင်ပံခတ်နေသလို တဖျတ်ဖျတ်နှင့် လေတိုက်လိုက်တိုင်း နံရံကိုလာ၍ ရိုက်ခတ်နေကြသည်။
တဖြည်းဖြည်းနှင် အဖိုးအို၏ အသက်ရှုသံတွေပြင်းလာသည်။ ဆရာဝန်ကနားကျပ်ကိုယူ၍ အဖိုးအို၏ရင်ဘတ်ကို စမ်းကြည့်လိုက်သည်။ အသံတွေက သူကြားဖူးနေကြ အသံတွေမဟုတ်။ ၀ီခေါ်နေသောအသံပေါင်းစုံက အဖိုးအို၏ရင်ဘတ်ထဲတွင် လိပ်ပြာအကောင်ပေါင်းများစွာ ပျံသန်းနေသည့် အသံမျိုး..။
ပန်းပေါင်းစုံ ဖူးပွင့်ဝေဆာနေသော လိပ်ပြာဥယာဉ်ကြီးတစ်ခုထဲ ရောက်ရှိသွားသလို သူခံစားလိုက်ရသည်။ အဘိုးအိုကတော့ သူ့လက်နှစ်ဖက်ကို လိပ်ပြာတွေတောင်ပံယှက်၍ အနားယူနေသည့် ပုံစံမျိုး ရင်ဘတ်ပေါ်ခွေတင်ကာ အပြင်သို့ငြိမ်သက်စွာ စိုက်ကြည့်နေဆဲ ဖြစ်သည်။
လိပ်ပြာကတော့ ရောက်မလာသေး...........။
"ဖိုးဖိုးကြီးဆီ မရောက်သေးဘူးလား မေကြီးရဲ့"
ရင်ဘတ်တွင် ရွှေရောင်လိပ်ပြာပုံ ရင်ထိုးလေးထိုးထားသော ကလေးငယ်က လိပ်ပြာရောင်စုံပုံလှလှလေးတွေပါသော စာအုပ်ကိုလှန်ကြည့်နေရင်း ကားမောင်းနေသော မိခင်ကိုလှမ်း၍မေးလိုက်သည်။
"ရောက်တော့မှာပါ သမီးရယ်။ ဟော...ဟိုရှေ့က ပန်းခြံကြီးကျော်ရင် သမီးရဲ့ ဖိုးဖိုးကြီးကို တင်ထားတဲ့ဆေးရုံကို ရောက်ပြီကွယ့်"
ရွှေလိပ်ပြာစားသောက်ဆိုင်ပိုင်ရှင် ဒေါ်ဝတ်မှုံပွင့်တစ်ယောက် စားသောက်ဆိုင်လုပ်ငန်းများနှင့် အလုပ်ပိနေ၍ သူမ၏အဖေနှင့် မတွေ့ခဲ့ရတာ အတော်ကြာခဲ့ပြီ။ အခုလည်း မအားတဲ့ကြားက သူ့အဖေ သစ်ပင်ပေါ်ကပြုတ်ကျပြီးဆေးရုံ ရောက်နေတယ်ကြားသောကြောင့်သာ လုပ်လက်စအလုပ်တွေကိုပြစ်၍ ဆေးရုံသို့ ကမန်းကတန်းထွက်လာရခြင်းဖြစ်သည်။ ဆေးရုံဝင်းအရှေ့ရောက်တော့ ကားကိုလိပ်ပြာကွေ့ကွေ့ကာ ဆေးရုံဝင်းထဲသို့ ကားခေါင်းကို တည်၍ရပ်လိုက်သည်။
အဖိုးအို၏ ဦးခေါင်းတွေကတော့ တည်လို့မရလောက်အောင်ပင် ညွှတ်ကျလုမတတ်ဖြစ်နေခဲ့ပြီ။ သို့သော်သူ့မျက်လုံးတွေကတော့ အပြင်ဘက်ပန်းခြံထဲတွင် ရုတ်တရက်ပေါ်လာမည့် လိပ်ပြာကို သဲကြီးမဲကြီးရှာဖွေနေဆဲဖြစ်သည်။ လိပ်ပြာကတော့ ရောက်ရှိမလာသေး။
တစ်ကိုယ်လုံးဖော်ပြလို့မရအောင် နာကျင်သည့်ဘ၀မှ သူထွက်ခွါသွားချင်လှပြီ။ နောက်ဆုံးဝေဒနာကို တင်းမခံနိုင်တော့တဲ့အဆုံး အဖိုးအို စိတ်တွေကို ဖြည်းဖြည်လျှော့ချလိုက်သည်။
သွေးခုန်နှုံးစက်မှ တတီတီမြည်လာတဲ့ အသံကိုကြားတော့မှ ဆရာဝန်လည်း တွေးတောနေရာမှ သတိပြန်ဝင်လာသည်။ အဖိုးအိုရဲ့ရင်ဘတ်ကို သူထိန့်လန့်တကြား နားကျပ်နှင့်စမ်းကြည့်လိုက်တော့ ယခင်ကတ၀ီဝီမြည်နေခဲ့သော အသံများ မရှိတော့။ လိပ်ပြာတွေ အိပ်မောကျနေကြပြီ။
သို့မဟုတ် အခြားတနေရာသို့ ၀တ်မှုံကူးရန် အုပ်စုလိုက်ထွက်ခွါသွားကြပြီ။
ဆရာဝန်က အဖြူရောင်အ၀တ်စကို အဖိုးအို၏ မျက်နှာပေါ်သို့လွှမ်းချုံပေးလိုက်သည်။ ထို့နောက် လူအသေအပျောက်စာရင်းသွင်းရန် ဆေးရုံ၏ အုပ်ချုပ်ရေးရုံခန်းသို့ ထွက်ခွါလာခဲ့သည်။ ငြိမ်သက်နေသော အခန်းထဲတွင်တော့ တိုင်ကပ်နာရီချိန်သီးရိုက်သံတစ်ခုသာ လေးလေးမှန်မှန်ဖြင့်ထွက်ပေါ်နေသည်။
သို့သော် အဖိုးအိုကတော့ မကြားနိုင်တော့။
နောက်ဆုံး၌ လိပ်ပြာကရောက်ရှိလာခဲ့သည်။ အတောင်ညောင်းနေသော အမည်းရောင်လိပ်ပြာတစ်ကောင် ငြိမ်သက်နေသော အခန်းအတွင်း ဟိုဟိုဒီဒီ ၀ဲပျံရင်း နားခိုစရာ တစ်နေရာကိုလိုက်လံ၍ ရှာဖွေနေခဲ့သည်။ ရှင်းသန့်သော အဖြူရောင် အ၀တ်စတစ်ခုကိုတွေ့တော့ ၀မ်းသာအားရနှင့် သူ့အတောင်တွေချက်ချင်းရုတ်ကာ သူ့တစ်ကိုယ်လုံးကို ထိုနေရာပေါ်သို့ပြစ်တင်လိုက်ပြီး သက်တောင့်သက်သာဖြင့် အနားယူနေလိုက်သည်။
လိပ်ပြာရပ်နေသောနေရာသည် မိနစ်အနည်းငယ်အကြာက တစ်စုံတစ်ခုကို မွတ်သိပ်စွာစောင့်ကြည့်နေခဲ့သော အဖိုးအို၏ မျက်လုံးတစ်စုံတည်ရှိရာ နေရာပင်ဖြစ်သည်။
ထိုလိပ်ပြာကား အဖိုးအို ဘ၀တစ်ခုလုံး စောင့်မျှော်ရှာဖွေနေခဲ့သော လိပ်ပြာဘုရင်မ (ခေါ်) ၀ိညာဉ်လိပ်ပြာပင်ဖြစ်တော့သည်။
<မင်းတစေ>
သင် သရဲရှိသည်ကို အယုံအကြည်ရှိပါသလား။
ယုံကြည်လျှင် သင် သရဲမြင်ဖူးပါသလား။
မြင်ဖူးလျှင် မည်သို့ မည်ပုံ မြင်ဖူးပါသလား။
ကျွန်ုပ် အမည် သက်ပိုင်။ ကျွန်ုပ် အသက် ၂၀ နှစ်တွင် သေဆုံးခဲ့သည်။ မိုးသည်းထန်စွာရွာသော နေ့ တစ်နေ့ ၌ ဓာတ်တိုင်တစ်တိုင်အနားတွင် လူမသိသူမသိ ဓာတ်လိုက် သေဆုံးခဲ့ခြင်းဖြစ်သည်။
ကျွန်ုပ်သေပြီးသော် ကျွန်ုပ်၏ အလောင်းကောင် (ခေါ်) ကိုယ်ခန္ခာကြီးကို မြေမြှပ်ပစ်ကြတော့မည်။ တော်သေးသည်။ စာရေးသူကျွန်ုပ်သည် မြေမြှပ်ခံနေရသော ကိုယ်ခန္ခာထဲတွင် မရှိတော့သောကြောင့်။ ဖြစ်ချိန်တန်ဖြစ်၊ ပျက်ချိန်တန်ပျက် ဟူသော စကားသာမှန်ခဲ့လျှင် ကျွန်ုပ်အား ကိုယ်ခန္ခာမှ ထုတ်ယူပေးလိုက်သော လျှပ်စစ်ဓာတ်အားများကို ကျေးဇူးတင်ရပေမည်။ ၄င်းတို့ သာမရှိ၍ ကျွန်ုပ်ကို ကိုယ်ခန္ခာအတွင်းမှ မထုတ်ယူခဲ့လျှင် ထိုသုဘရာဇာ ကုလားမဲက တူးချိန်တန်တူး မြှပ်ချိန်တန်မြှပ်ရာတွင် ကန့် လန့် ကန့် လန့် နှင့် နှစ်မွန်းသော၊ ကျပ်ပိတ်သော၊ အထီးကျန်သော ဝေဒနာများကို မချိမဆန့် ခံရပေလိမ့်မည်။ ပျက်ချိန်တန်လျှင်ပျက်လေ့ရှိသော လျှပ်စစ်မီးတီထွင်သူ အယ်လ်ဒီဆင်ကို ကျေးဇူးတင်ထိုက်ပေသည်။ ၄င်းကျေးဇူးဖြင့် ကျွန်ုပ်က ကျွှင်းဘေးရပ်လျက် ပြုံးပြုံးကြီး။
သေသူကို မြေမြှပ်၊ သင်္ဂြိုလ်မှုပြုသော် အသုဘခေါ်သည့် ကျွန်ုပ်အတွက်ရည်ရွှယ်သော ဤအခမ်းအနားကြီးသည် ကျွန်ုပ်မြင်ဖူးသမျှ အသုဘများနှင့်မတူ၊ အုပ်အုပ်ကြပ်ကြပ် မစည်ကားသော်လည်း ပျော်ရွှင်ဖွယ်အလျှူပွဲကဲ့သို့ ။ ကလေးငယ်တွေကလည်း ကလေးငယ်တွေ အလျောက်အထိန်းအကွပ်မရှိ သောက်ကညင်းဂျော်ထ၊ ဂေါ်လီရိုက်၊ ဖိနပ်ပစ်၊ စုံနေအောင်ကစားကာပျော်မြူး၊ လူကြီးတွေက လည်းလူကြီးတွေအလျောက်
ကျောင်းဆယ်ခေါက်သွားစရာမလိုပဲ ဆယ်ခေါက်စာ ကုသိုလ်တွေနဲ့ တစ်လုံးတစ်ဝကြီးရယ်။ ယောကျာ်းတွေက နိုင်ငံရေး၊ စီးပွားရေး၊ အားကစားစုံအောင် စကားတွေဖောင်ဖွဲ့ ၊ မိန်းမတွေကလည်း ဟိုရုပ်ရှင်ကားက ဟိုလို၊ ဟိုကောင်က သည်လိုစသဖြင့် အတင်းအဖျင်းတွေစုံလင်စွာ။ ကျွန်ုပ်နှင့် လ္ဘက်ရည်သောက်နေကြ ရွယ်သူသူငယ်ချင်းအချို့ သာ မဲ့တဲ့တဲ့နှင့် မွှေဖော်မွှေဖက်အတွက် တရှုံ့ရှုံ့နှင့်။ သူများပျော်လို့ မပျော်နိုင်ဘူး။ အဖျက်ကောင်တွေပေါ့။ ကျွန်ုပ်ကတော့ ကိုယ့်ပွဲလာ ပရိတ်သတ်ကို အပြုံးပန်းအမျိုးမျိုးနှင့် တစ်ဟီးဟီး တဟားဟား ရယ်ကာဧည့်ဝတ်ပြု၊ ကျောင်းဆယ်ခေါက်စာကုသိုလ်တွေ ပေးနေတုန်း။ ထိုစဉ်ခဏ ပွက်လောရိုက်နေသောလူအုပ်ကြီးမှာ ရုတ်တရက် တိတ်ဆိတ်သွားသည်။ ကျွန်ုပ် ရယ်သံအချို့ သာကျန်။ ကျွန်ုပ်လည်း အံ့သြ၍ ကိုယ်ရှိန်သတ် အရယ်ရပ်လိုက်ကာမှ ၄င်းတို့ က ဟိုဟိုသည်သည်ကျီးကန်းတောင်းမှောက်ကြည့်၊ ပါးစပ်ကလည်း ပွစိပွစိနှင့် ဟိုရွတ်သည်ရွတ် လှုပ်ရှားလာသည်။”ဟ..ဘယ်လိုတုန်း ဒီပွဲမှာ ငါကအကြီးအကဲပဲ၊ ငါပဲအတွင်းရေးမှုး၊ ငါပဲ အခမ်းအနားမှုး၊ ငါပဲ…ငါပဲ ဟာကို သူတို့ ကဘာကို ပွစိပွစိလုပ်ကြသနည်း။ အသုဘမှာငိုမှပဲ…” ။ ကျွန်ုပ် ငိုချလိုက်သည်။ “ဗျဲ…” ခနဲဆိုရုံ အသံထွက်တယ်ဆိုရုံလေး ရွှေပွဲလား ပရိတ်သတ်တွေက ပြေးလိုက်တာ ကစဥ့်ကလျားနှင့် ဆန္ဒပြလို့  သေနတ်နဲ့ လိုက်ပစ်တဲ့အတိုင်းပဲ။ တူးချိန်တန်တူးထားတဲ့ သကောင့်သား သုဘရာဇာလည်း ပေါက်တူးကိုင်ပြီးပြေးလိုက်လာ ကျွန်ုပ် ကိုယ်ခန္ခာကြီးကို သည်အတိုင်းထားသွား ပါကလား။ (သည်အတိုင်းဆိုရင်းမှာ မြေကြီးပေါ်၌ထားသွားခြင်းဖြစ်သည်။ အကျီ င်္၊ လုံချည် ပါပါသည်။) ငိုလဲပြေး၊ ရယ်လဲ ပွစိပွစိ၊ ထောက်ခံပါသလားလို့ အော်မှ နောက်ကနေ ထောက်ခံပါတယ်လိုက်အော်မယ့် လူစားတွေပဲ။ “မထူးပါဘူး၊ ငါ့ခန္ခာကိုယ် ငါပဲ ကျွှင်းထဲချရပါ့။ မြေကြီးတွေတော့ သူဟာသူလာဖို့ ပါစေ…ရာရာစစ….”
ကျွန်ုပ်၏ အသုဘမည်သို့ မည်ပုံ ဤမျှ ပျော်ရွှင်ဖွယ်ကောင်းခဲ့သနည်း။
ကျွန်ုပ်သည် တစ်ကောင်ကြွက်။ လူတွင် အဖေတစ်ခု၊ အမေတစ်ခု နှစ်ခုရှိကြသည်ဟုဆိုသည်။ ကျွန်ုပ် ထမင်းစားတတ်စအရွယ်တွင် အဖေတစ်ခု နှင့် အမေတစ်ခု တို့ မှာ ထမင်းမစားကြတော့။ ကျွန်ုပ်လည်း သူတို့ အား ထမင်းစားစောင့်ရန် မလိုဟုသိရသည်။ ကျွန်ုပ် ကြီးတော်ကြီးနှင့်နေသည်။ ကြီးတော်တစ်ခု၊ တူတော်တစ်စုံတို့ နေလာကြရာ ကျွန်ုပ် နို့ သောက်တတ်သော အရွယ် (လ္ဘက်ရည်ဆိုင် ထိုင်၍နွားနို့ သောက်သောအရွယ်) ၌ ကြီးတော်ကြီးသည် ယခုကျွန်ုပ်ကဲ့သို့  အခမ်းအနားကျင်းပသွားခဲ့သည်။ ကြီးတော်ကြီး၏ အခမ်းအနားတွင် ကျွန်ုပ် နှာချီးထွက်သည်အထိငိုသည်။ ယခုကဲသို့ ပျော်ရွှင်ဖွယ်ကောင်းမှန်းသိခဲ့လျှင် ကျွန်ုပ် ကြီးတော်နှင့် လိုက်သွားမိပေလိမ့်မည်။ ကျွန်ုပ်နောက်မကျသေးပါ။ ကျွန်ုပ်နောက်တွင် ရောက်လာမည့် သက်ကြီးရွယ်အိုများ၊ သက်တူတန်းတူများများစွာ ကျန်ရှိနေသေးသည်။ ကျွန်ုပ်တစ်ကိုယ်ကောင်း မဆန်သင့်ပေ။ ကျွန်ုပ်နှင့် ရင်းနှီးသော၊ ကျွန်ုပ်ချစ်ခင်သော သူများကို ပြောပြရပေဦးမည်။ ကောင်းသည့်ကိစ္စဆိုလျှင် ရင်းနှီးသူ၊ ချစ်ခင်သူ တို့ ကိုသာဦးစားပေးသင့်ပေသည်။
ကျွန်ုပ် ခန္ခာကိုယ်ကြီးကို နှုတ်ဆက်၍ အိမ်ပြန်ခဲ့သည်။ကျွန်ုပ်အနီးသို့ မျက်နှာစိမ်းတစ်ယောက် လာကာ “မင်း ဘယ်ကလဲ၊ ဘယ်ကိုလဲ။ ဘာလုပ်ဖို့ လဲ၊ ဘာကောင်လဲ”..
ကျွန်ုပ်။ ။”ဟ… ဘီးဂျဲက ချဲလှချည့်လား၊ ကျုပ်က ကျုပ်အိမ်ကျုပ်ပြန်မလို့ ။ ခင်ဗျားက ဘယ်သူလဲ။ ဘာလဲ။ ”..
မျက်နှာစိမ်း။ ။"သြ... ငါကသည်နေရာမှာ အကြီးအကဲပဲ။ မင်းက ယမန်နေ့ က ဓာတ်လိုက်သေသွားတဲ့ကောင်မဟုတ်လား။ ငါက မင်းသေတဲ့အချိန်မှာ အဲဒီဓာတ်တိုင်အနားမှာ ရှိတယ်ကွ။ ဟားဟား။ မင်း တွန့် လွန့် တွန့် လွန့် နဲ့ ဗရိတ်ဒန့် (စ်) ဆွဲနေတာ"
ကျွန်ုပ်။ ။"အဲဒီတုန်းက ကျွန်တော်အနား ဘယ်သူမှမရှိပါဘူးဗျာ။ ခင်ဗျားရှိလည်း ခင်ဗျားလည်းဓာတ်လိုက်မှာပဲ။ အဲဒီအနီးတ၀ိုက်ရေထဲ လျှပ်စစ်စီးနေတာပဲ ဟာကို"
မျက်နှာစိမ်း။ ။"ငါကသရဲပဲ။ ဓာတ်လည်းမလိုက်ဘူး။ မင်းလည်းငါ့ကို မမြင်ရဘူး။ "
ကျွန်ုပ်။ ။"အခုကျုပ် ခင်ဗျားကိုမြင်ရသားပဲ"
မျက်နှာစိမ်း။ ။"မင်းလဲသရဲဖြစ်မှတော့ မြင်ရတော့မပေါ့"
ကျွန်ုပ်။ ။"သရဲ.....ကျုပ်ကသရဲ"
မျက်နှာစီမ်း။ ။"ကိုယ်လူက သရဲဖြစ်နေပြီ။ ကိုယ်လူ လူ့ ဘ၀ကဘာကောင်းမှုကုသိုလ် လုပ်ဖူးသလဲ။ အဲဒါတွေအမှတ်ရပြီး မြို့ စောင့်နတ်မင်းဆီမှာ မင်းနေစရာသွားတောင်းပေတော့။ မင်းအိမ်က မင်းနဲ့ ဘာမှမဆိုင်တော့ဘူးကွ။ ဟား..ဟား ကိုယ်လူက သိပ်နုံတဲ့သရဲပဲ၊ လစ်ပြီကွယ်"
ကျွန်ုပ် သရဲဖြစ်မှန်းမသိဖြစ်နေပြီ။ သြ.. ဒါကြောင့် ငါ့ရီသံ၊ ငိုသံတွေကို လူတွေကြားပြီးလန့် တာကိုး။ ပုံပြင်ထဲက သရဲလို ငါက မျက်လုံးပြူးကြီး၊ လျှာတန်းလန်း အရှည်ကြီးလည်းမဟုတ်ဘူး။ ပုံမှန်လူလိုပါပဲလား။ ကျွန်ုပ် သရဲဖြစ်ရသည်ကို သဘောတွေ့ သွားသည်။ လူတွေကို လိုက်စမည်။ နောက်မည်။ လုပ်ချင်တာလုပ်လို့ ရပြီပေါ့။ ကျွန်ုပ်အိမ် ကျွန်ုပ်နှင့် မသက်ဆိုင်တော့ဟူသောအဆိုကို တော့ကျွန်ုပ်လက်မခံချင်။ ကျွန်ုပ် အိမ်ကိုဆက်လျှောက်သွားသည်။ ကျွန်ုပ်အိမ်၌ လူများစည်ကားနေဆဲ။ ဖဲရိုက်သူရိုက်၊ အတင်းတုပ်သူတုပ်နေသူတွေပြည့်နေသည်။ ကျွန်ုပ်သေ၍ ၀မ်းနည်းနေသူတစ်ဦးမျှပင်မတွေ့ ။ ကျွန်ုပ်အိမ်ရှိအဖိုးတန်ပစ္စည်းများလည်း မရှိတော့။ သြ..သည်အခမ်းအနားကြီးက ငါ့ပစ္စည်းတွေ အရေဖျော်ပြီးလုပ်ကြတာကိုး။ ထိုစဉ် မျက်နှာစိမ်းတစ်ယောက် ကျွန်ုပ်ကိုစကားလာပြောပြန်သည်။ သူကိုသူ အိမ်စောင့်နတ်ဟုဆိုသည်။ ကျွန်ုပ်အား သည်နေ့ မှစ၍ နောက်ခုနှစ်ရက်အထိသာ အိမ်ထဲဝင်ထွက်ခွင့်ရှိကြောင်း ရာဇသံပေးသွားသည်။ ကျွန်ုပ်အိမ်ထဲ လျှောက်ကြည့်နေရင်းနှင့်ပင် အာရုံဦးတွင် ဘုန်းကြီးများရောက်လာသည်။ ရပ်ကွက်လူကြီးနှင့် အခြားဧည့်များလည်းပါလာသည်။ ကျွန်ုပ်ရှေ့ဆုံးတစ်နေရာတွင် ထိုင်လိုက်သည်။ ကျွန်ုပ်ပေါ်သို့  ရပ်ကွက်တကာလှည့် အတင်းတုပ်နေသော ဇီးကွက်မကြီးဒေါ်ပြူး၏ တင်ပါးကြီးက တက်ထိုင်တော့သည်။ ကျွန်ုပ်လည်းအလျင်အမြန်ရှောင်လိုက်ရသည်။ ဘုန်းကြီးများပြန်သွားကြသည်။ ကျွန်ုပ်လည်းရပ်ကွက်ထဲလှည့်ပတ်ရင်း ရပ်ကွက်ထိပ်က နတ်ကွန်းသို့ သွားကာ မြို့ စောင့်နတ်ထံ နေရာတားလေရာ နတ်မင်းက ကျွန်ုပ်လူ့ ဘ၀တွင် ကုသိုလ်ကောင်းမှုလုပ်ခဲ့သည်များကို စဉ်းစားစေသည်။ ကျွန်ုပ်အတွက် နေထိုင်စရာ အတည်တကျမရှိ။ ကျွန်ုပ်တွင် ကောင်းမှုကုသိုလ်မရှိခဲ့။
ကျွန်ုပ်နတ်ကွန်းမှ ပြန်ကာရပ်ကွက်ထဲ လျှောက်သွားနေသည်။ ကျွန်ုပ် ထိုင်နေကျ လ္ဘက်ရည်ဆိုင်၏ နေရာလွတ်တခုတွင် ၀င်ထိုင်သည်။ လ္ဘက်ရည်မှာရန် လှမ်းခေါ်သည်။ စာပွဲထိုးမှ မကြား။ သူတင်မက မည်သူမှလည်းကြားပုံ မပေါ်။ ကျွန်ုပ်သူငယ်ချင်းများ ရောက်လာသည်။ ကျွန်ုပ်ထိုင်နေသော စားပွဲတွင်လာထိုင်ကြသည်။ စကားများပြောကြသည်။ ကျွန်ုပ်ဝင်ပြောသည်။ ၄င်းတို့ က မကြား။ အရေးတစက်မျှပင်မလုပ်။ သူတို့ ပြောချင်တာပြောကြသည်။ ကျွန်ုပ် စားပွဲဝိုင်းပေါ်ရှိ မုန့် များကို နှိုက်စားသော်လည်းမရ။ ၄င်းတို့ ဟာ၎င်းတို့ စားသောက်က ပိုက်ဆံရှင်းပြန်သွားကြသည်။ ကျွန်ုပ်စိတ်ပျက်လက်ပျက်နှင့် လမ်းထိပ်ထွက်ခဲ့သည်။ ယခုဆို ကျွန်ုပ် တကယ်ပင် အထီးကျန်နေပေပြီ။ ဘိန်းမုန့် ဆိုင်အနီးက ကျွန်ုပ်ဘိန်းမုန့် ကျွေးနေကြ ခွေးပင်ကျွန်ုပ်ကို ဟောင်ကာ ဟောင်ကာ ထွက်ပြေးသည်။ ကျွန်ုပ် အိမ်ပြန်ခဲ့သည်။
ဒီလိုနဲ့ ၇ ရက်မြောက်သောနေ့  ကျွန်ုပ်တွေ့ ပြန်ပြီ အိမ်စောင့်နတ်ကြီး။ ကျွန်ုပ် ဘုရားရှိခိုးတိုင်း အ်ိမ်စောင့်နတ်ကြီးကျန်းမာပါစေ ဆုတောင်းပေးခဲ့သော၊ ကျွန်ုပ်ကြီးတော်ကြီး ပူဇော်ပါ့သခဲ့သောခဲ့သော၊ ကျေးဇူးတွေကို မှမထောက် ကျွန်ုပ်မွေးကတည်းက နေထိုင်ခဲ့သော အိမ်ကြီးမှ ကျွန်ုပ်ကို အားမနားလျှာမကျိုး နှင်ထုတ်တော့သည်။ ခေါ်ပြောသူမဲ့၊ စနောက်ခြောက်လန့် ရန်ဝေးစွ နေထိုင်စရာပင်မရှိတော့သော ကျွန်ုပ်သရဲအဖြစ်ပါလား။ ကျွန်ုပ် လမ်းဘေးအုတ်ခုံပေါ်တွင်ထိုင်နေသည်။ လမ်းသွားလာများက ကျွန်ုပ်ကိုမမြင်ပါ။ အချို့ ဆိုလျှင် ကျွန်ုပ်အပေါ်သို့ အမှိုက်သရိုက်ပေါင်းစုံပင်ပစ်ချသေးသည်။ ကျွန်ုပ်လမ်းထိပ်ညောင်ပင်ကြီး ဘက်သို့ ထွက်ခဲ့သည်။ "ဟေ့.. ကောင်လေး" ။ ကျွန်ုပ် ရုတ်တရက်ခေါ်သံကြောင့် အသံလာရာသစ်ပင်ထက်သို့ မော့ကြည့်လိုက်သည်။ "အလို..ဦးလေးသိန်း... "။ ဦးလေးသိန်းဆိုသူကား အမြဲတစေ အကြောတက်တတ်သူဖြစ်သည်။ကျွန်ုပ်က နှိပ်ပေးနေကြဖြစ်သည်။ ကျွန်ုပ်အား လ္ဘက်ရည်ဖိုးပေးနေကြဖြစ်သည်။ ရပ်ကွက်မှ လူချမ်းသာတစ်ဦးဟု ဆိုနိုင်သည်။ သူ့ လောက်ကောင်းမှုလုပ်သူလည်း သူတည်း။ သူအသုဘသည်ကား စည်ကားလှပါရောလား။ ငိုမဲ့ဆွေမျိုးတွေ၊ မိန်းမ၊ သားသမီးတွေ နဲ့ ကျေးဇူးခံကျေးဇူးစားတွေက မနည်း။ ကျွန်ုပ်ပင်သူ့  ရက်လည်ဆွမ်းကြွေးတွင် သွားစားရင်း ၀မ်းနည်းခဲ့သေးသည်။ ၄င်းလို အလျှုရေစက် လက်နဲ့ မကွာတဲ့သူက အဘယ်ကြောင့် သရဲ၊ နာနာဘာဝဘုံသို့ ရောက်နေရသနည်း။ "မင်းတွေးနေတာတွေငါသိတယ်.... ငါဒီညောင်ပင်ကြီးမှာနေတာက ငါ့မိန်းမကိုဒီကနေစောင့်နေတာ။ မင်းမှာ အခုနေစရာမရှိဘူးမှတ်လား။ မင်းသည်ညောင်ပင်မှာ နေနိုင်တယ်။" ကျွန်ုပ်ကျေးဇူးတင်ကြောင်းပြောသည်။ တကယ်တော့ ကျွန်ုပ် ဤသရဲဘ၀တွင် မနေလိုတော့။ စိတ်ပျက်လှပြီ။ လွတ်မြောက်ချင်သည်။ လူတွေထံ အမျှဝေ၊ ကောင်းမှုပြုပေးရန် အကူအညီတောင်း၍ လည်းမရ။ တောင်းခွင့်ကြုံနိုင်လျှင်လည်း ကြောက်လန့် တကြားဖြစ်ကြသည်။ တစ်ခါတစ်ရံ ကျွန်ုပ် ညောင်ပင်အောက်တွင်ထိုင်နေသော အခါတွင် ကျွန်ုပ်ကို သေးဖြင့်ပန်းရန်ဦးတည်လာသော သူများကိုလည်းရှောင်ရှားရသေသည်။ ၄င်းတို့ ကို ကျွန်ုပ်က စကားဖြင့်ပြောခွင့်မရှိ။ လက်ဖြင့်လုပ်၍မရ။ ကျွန်ုပ် သစ်ကိုင်းများချိုးချခြင်း၊ ညောင်စေ့ဖြင့်ပေါက်ခြင်းများသာပြု၍ ခြောက်လှန့် တားမြစ်သည်။ထိုသို့ ဖြင့် ကျွန်ုပ်သည် သရဲသက်ပိုင်ဟူသော ဂုဏ်ထူးတစ်ခုဖြင့် နာမည်ကြီးလာသည်။ တညနေ ကျွန်ုပ် သစ်ကိုင်းတစ်ကိုင်းတွင် ထိုင်နေစဉ် ....
"အား.....သ...ရဲ.."
"ဘုတ်"
ဘုတ် ဟူသောအသံမှာ ကျွန်ုပ်လန့် ၍ပြုတ်ကျခြင်းဖြစ်သည်။ ထိုသူက တော့ လှည့်မကြည့်ပဲ တချိုးတည်းပြေးတော့သည်။ ၄င်းဟာ၎င်း ကံနိမ့်၍ ကျွန်ုပ်ကို မြင်တွေ့ ခဲ့သော်လည်း ရပ်ကွက်ထဲတွင်ကား ကျွန်ုပ်က မျက်လုံးကြီးပြူးပြ၊ လျှာကြီးထုတ်ပြ၍ ခြောက်လှန့် နေသည်။ အူတွေကလီစာတွေ ထုတ်ပြသည်။ သစ်ပင်အမြင့်ပေါ်မှ ခုန်ချပြသည်ဟု တစ်ယောက်စကား တစ်ယောက် စကားတွေ ကားကားပြီး ပြောဆိုကြသည်။ ကျွန်ုပ် ကိုယ်ထင်ပြချင်တိုင်းပြ၍ မရပါ။ ကျွန်ုပ် မျက်လုံး မပြူးပါ။ လျှာရှိသည်။ မရှည်ပါ။ အူတွေနှလုံးတွေလည်း ထုတ်ပြ၍ မရပါ။ ကျွန်ုပ် ဤမျှ ဆင်းရဲလှသောဘ၀တွင် နေရသော်လည်း ၄င်းတို့ က ကျွန်ုပ်ထင်တိုင်းကျဲနေသည်ဟုထင်ကြသည်။ ပရိတ်တွေ၊ ဘာတွေရွတ်ကြသည်။ နောက်ဆုံး ကျွန်ုပ်သည် ၄င်းတို့ ပြုပေးသောကောင်းမှုများကြောင့် ကျွန်ုပ်လွတ်လပ်ခွင့်ရသည်။ ကျွန်ုပ် ကိုယ်ခန္ဒာ၏ပါးစပ်တွင်း၌ ကျွန်ုပ်ကို ထည့်ပေးလိုက်သော ကူးတို့ ခ တမတ်စေ့ကိုယူသည်။ ကျွန်ုပ်သွားရမည့်လမ်းကို ရောက်မည့် တံတားတခုရှိသည်။ တံတားအဆုံးတွင် တံခါးတစ်ခုရှိသည်။ အပ္ပါယ်တံခါးလား၊ ဘာလား ကျွန်ုပ်မသိ။ တံခါးတဖက်တွင် ဘာတွေရှိသည်၊ ဘာတွေဖြစ်နေသည် ကျွန်ုပ်မသိ။ ကျွန်ုပ်တံခါးတစ်ဖက်သို့ ရောက်လျှင် ဤစာကိုဆက်ရေးနိုင်မည်မှာ မသေချာတော့။ သေချာသည်ကလူပြည်ကိုပြန်လာခွင့်ရလျှင် ဆေးတစ်ခွက်ကိုသောက်ရပေလိမ့်သည်။ ထိုဆေးကား ကျွန်ုပ်၏ အတိတ်ကို မေ့စေပေဦးမည်။ ထိုကြောင့် ကျွန်ုပ် ဤ ကျွန်ုပ်နှင့် ဘ၀ခြားသွားခြင်း ခေါင်းစဉ် ပေးထားသော စာတမ်းအား တံတား၏တစ်ဖက်ကမ်း၌ ထားခဲ့သည်။
လောကသည် နာမည်ခေါ်သံများနှင့် ဆူညံနေသော အရပ်ဖြစ်သည်။
အမေတွေက ထမင်းစားဖို့ လှမ်းခေါ်ကြသည်။ (သားတို့..ရေ)
သူငယ်ချင်းတွေက ကျောင်းသွားဖို့ လမ်းမပေါ်ကနေ လှမ်းခေါ်ကြသည်။ (ယောက်ဖတို့...ရေ)
ချစ်သူတွေက ဖုန်းထဲက ရုပ်ရှင်ကြည့်ရန် လှမ်းခေါ်ကြသည်။ (မောင်တို့...ရေ)
ကြွေးရှင်က တွေ့တဲ့နေရာမှာ ကြွေးပေးရန် လှမ်းခေါ်ကြသည်။ (ကျေးဇူးရှင်တို့...ရေ)
ဘယ်နေရာ ရောက်ရောက် လူတို့၏နာမည်ခေါ်သံကိုတော့ မပြတ်ကြားနေရသည်။
တခါတရံတွင်လည်း နာမည်နှင့်တွဲဖက်၍ ဂုဏ်ပုဒ်ပေါင်း သောင်းခြောက်ထောင် ရော၍ပါလာတတ်ကြသေးသည်။
ဒေါက်တာရေချမ်း၊ ဆာအဲလက်စ်ဖာဂူဆန်၊ ဗိုလ်ချုပ်ကြီးရွမ်းမဲ၊ အကယ်ဒမီညွန့်ဝင်း အစရှိသဖြင့် နာမည်တွေနှင့်ပင် ခြိမ်းခြောက်လို့ အားမရသေးပဲ ဂုဏ်ပုဒ်တွေဖြင့်ပါ ဖိသတ်ရန်ကြိုးစားနေကြသည်။
သူကတော့ ဂုဏ်ပုဒ်တွေဆိုလို့ ကိုယ့်နာမည်တောင် ကိုယ်မက်သည့်ကောင်မဟုတ်။
ငယ်ငယ်ကတော့ မိဘတွေ အတင်းအဓမ္မပေးခဲ့သည့် နာမည်တစ်ခုရှိခဲ့ဘူးသည်။
သို့သော်လည်း ဟိုး...အရင်ကအဖြစ်အပျက်တွေနှင့် ရောနှောပြီး ငယ်ငယ်က သူ့နာမည်လည်း အတိတ်မှာကျန်ရစ်ခဲ့ပြီဆိုတော့ သူအသေအခြာ ပြန်မမှတ်မိတော့။
ဘာမဟုတ်သည့် နာမည်တစ်လုံးကိစ္စနှင့် အတိတ်ဆိုတဲ့ကောင်နဲ့ ရှုပ်ရှုပ်ရှက်ရှက်တွေ ပြန်မလုပ်ခြင်တော့တာလည်းပါသည်။
မိဘတွေမရှိတော့တဲ့နောက် သူထပ်မလိုခြင်တဲ့ နာမည်အသစ်တွေ အတင်းလာပေးမည့် လူတွေကလည်း မရှိခဲ့လေတော့ သူကနာမည်မရှိသော လူတစ်ယောက်ရယ်လို့ဖြစ်လာရတာပေါ့။
နာမည်တွေမရှိသောကြောင့် သူ့တွင် မှတ်ပုံတင်မရှိ၊ ဘွဲ့လက်မှတ်မရှိ၊ အလှုခံဖြတ်ပိုင်းမရှိ၊ ပြီးတော့ သူ့ဆီကိုရောက်လာမည့် စာတွေမရှိ။
နာမည်မရှိသော လူတစ်ယောက်အဖြစ် အတော်အတန် နေသားကျခဲ့ပြီး နာမည်ရှိသော လူတစ်ယောက်အဖြစ်သို့ ပြောင်းလည်းနေထိုင်ဖို့ ဆိုတာတွေကိုလည်း သူအားထုတ်မနေတော့။
တခါတလေ မလွှဲရှောင်သာလို့ နာမည်တွေပြောမှရမယ်ဆိုရင်လည်း သူ့ပါးစပ်ထဲက သင့်တော်မည်ထင်သည့် တွေကရာ နာမည်တစ်ခုခုကို ကောက်ပေးပြစ်လိုက်သည်သာ။
ထို့ကြောင့်သူ၏နာမည်သည် တခါတရံ၌ မောင်နတ်ရှင်တောင်ဖြစ်၍ တခါတရံ၌ ကိုအဒေါ့ဖ်ဟစ်တလာဖြစ်သည်။ တခါတရံ၌ ဦးအိုဆမာဗင်လာဒင်ဖြစ်၍ တခါတရံ၌ မောင်မြ၀တီမင်းကြီးဦးစဖြစ်သည်။ တခါတရံ၌ ကိုဆော့ကရေးတီးဖြစ်၍ တခါတရံ၌ ဦးသီပေါမင်းဖြစ်သည်။
ထို့အပြင် သူသည်ယောက်ျားတစ်ယောက်ဖြစ်၍ နာမည်ကို မောင်၊ ကို၊ ဦးတို့ဖြင့် စကိုစရလိမ့်မည်ဟုလည်း မယုံကြည်။
ထို့ကြောင့်သူ၏အမည်သည် တခါတရံတွင် မကိုရာဇန်အကွီနိုဖြစ်၍ တခါတရံတွင် ဒေါ်မာသာထရီဆာဖြစ်သည်။ တခါတရံတွင် မကလော်ဒီယာရှီဖာဖြစ်၍ တခါတရံတွင် ဒေါ်ဂျိုးဂျိုးဖြစ်သည်။
ဒါပေမယ့် အဲဒါတွေက သူ့နာမည်အစစ်တွေ မဟုတ်လေတော့ တခါတလေ ထိုနာမည်ရှင်တို့နှင့် ရင်းနှီးသော သူတို့ကိုဆက်ဆံရသောအခါ အခက်အခဲများကြုံရတတ်လေသည်။
ထိုအခါများ၌ မည်သူမျှပေးလေ့ပေးထ မရှိသော နာမည်တစ်ခုခုကိုရှာကြံ၍ သူပေးရတော့သည်။ ထို့ကြောင့် သူ၏နာမည်သည် တခါတရံ၌ မဆေးလိပ်တိုဖင်ဆီခံဖြစ်၍ တခါတရံ၌ မောင်မိတ်ကပ်တစ်ဘူးဖြစ်နေသည်။ တခါတရံ၌ ဒေါ်နွားသိုးတစ်ကောင်ဖြစ်၍ တခါတရံ၌ ကိုသားဆက်ခြားခြင်း ဖြစ်နေသည်။ တခါတရံ၌ ဦးအကောင်းမြင်မှု ဖြစ်နေတတ်၍ တခါတရံတွင်လည်း ဒေါ်အထီးအမသဘာဝ ဖြစ်နေတတ်လေသည်။
ထို့ကြောင့် သူ့တွင်နာမည်တစ်လုံးမှမရှိသော်လည်း နာမည်များစွာရှိပါသည်။
ရွယ်တူသူငယ်ခြင်းများက သူ့ကို ဟေ့လူ ဟုခေါ်ကြပြီး သူ့ထက်ကြီးသူများက ဟေ့ကောင် ဟုခေါ်ကြသည်။ သူ့ထက်ငယ်သူတွေကတော့ သူ့ကို ဟေ့လူကြီး ဟုခေါ်ကြသည်။
နာမည်အတည်တကျမရှိခြင်းက သူ၏နားများကိုထင်ယောင်ထင်မှား ဖြစ်စေပြီး လမ်းမပေါ်၌ဖြစ်စေ၊ ဘတ်စကားတစ်စီးပေါ်၌ ဖြစ်စေ၊ လ္ဘဖက်ရည်ဆိုင်၌ ဖြစ်စေ လူတစ်ဦးမှ အခြားသူတစ်ဦးသို့ လှမ်း၍ခေါ်လိုက်တိုင်း သူ့ကိုခေါ်သည်အထင်နှင့် လိုက်ထူးတတ်သောအကျင့်ကလည်း ပါနေပြီဖြစ်သည်။ ကျောင်းမှာတော့ အဆိုးဆုံးဖြစ်သည်။ ဆရာမက ကျောင်းခေါ်ကြိမ်မှတ်ဖို့ ကျောင်းသားတစ်ယောက်၏ နာမည်ကိုခေါ်တိုင်း သူကထထ၍ ထူးနေရသည်မှာ အလွန်ပင်ကသိကအောက်နိုင်လှသည်။
ထို့ကြောင့် သူက မလိုခြင်ရင်တောင်မှ ပတ်ဝန်းကျင်နှင့် လိုက်လျှောညီထွေဖြစ်စေဖို့ နာမည်တစ်ခုတော့ ရှိသင့်နေပြီဟု သူ့ကိုယ်သူ အကြံပြုကြည့်တော့ သူကိုယ်တိုင် ကလုံးဝသဘောတူပုံမရ။ ဤသို့ဖြင့် သူ့ကိုယ်သူ နှင့် သူကိုယ်တိုင် အငြင်းအခုံတွေဖြစ်ကြပြီး ကြားထဲက သူ ပါစိတ်ပေါက်လာသည်။
ထို့ကြောင့် နာမည်တစ်ခုပိုင်ဆိုင်ဖို့ အားထုတ်မိတဲ့ သူ.. သူ့ကိုယ်သူ စိတ်လျှော့လိုက်ပြီး သူ ဆိုသည့်နမ်စားကိုပါဆက်လက်မသုံးစွဲတော့ဖို့ သူကိုယ်တိုင် ကဆုံးဖြတ်လိုက်သည်။
ထိုသို့ဆုံးဖြတ်ပြီးနောက် ရင်ထဲတွင်ပေါ့သွားသည်။ သို့သော်နာမည်တစ်လုံး ရှိမနေခဲ့သောကြောင့် နာမည်ပေါသော လူတို့နှင့်လည်း ဆက်လက်ဆက်ဆံရန် လုံးဝမဖြစ်နိုင်တော့သည်ဖြစ်၍ တစ်ယောက်တည်း အိမ်တွင်းအောင်း နေထိုင်ရန် ကိုပါထပ်၍ ဆုံးဖြတ်လိုက်သည်။
ထိုအချိန်မှစ၍ ကြားဘူးနားဝ နာမည်များ၊ ရေးတေးတေး နာမည်များ အပါအ၀င် လုံးဝမကြားဘူးခဲ့သော နာမည်များကလည်း ထပ်မံပတ်သက်ခြင်း မရှိတော့သောကြောင့် နာမည်ခေါ်သံ ယောင်လို့တောင်မကြားရသော အရပ်၌ နှစ်အတန်ကြာအောင်တစ်ယောက်တည်း နေဖြစ်ခဲ့သည်။
သို့သော် တရက်၌ "ဟေ့" ဟူသော အသံကြားလိုက်၍ နာမည်တစ်ခုလည်း ဖြစ်မနေသောကြောင့် တအံ့တသြနှင့် ရုတ်တရက်လှည့်ကြည့်လိုက်သောအခါ တံခါးဝ၌ ရပ်နေသော သေမင်း ဆိုသူကို တွေ့လိုက်ရသည်။
<မင်းတစေ>
