ယောက်ျားတစ်ယောက်ရဲ့ ချစ်ခြင်းဆိုတာ နေရာဒေသတွေမှာ ငါးမျှားတံတစ်ခုနှင့် ငါးမျှားတတ်တဲ့လူတစ်ယောက်လို ပါပဲ။ တံငါသည်လေးဟာ ငါးတစ်ကောင်ကို မိဖို့(အထူးသဖြင့် မျှားဖို့)အတွက် ငါးမျှားချိတ်နှင့် ငါးစာ၊ အချိန်နဲ့ သည်းခံခြင်းဆိုတာတွေကို ရင်းလိုက်တာပါ။ ဒါပေမဲ့ သူရင်းလိုက်တာဟာ သူကိုယ်တိုင် ကောင်းစားဖို့ အထူးသဖြင့်တော့ သူကိုယ်တိုင် ခံစားချင်လို့ကို ရင်းယူလိုက်တာပါ။ တံငါသည်လေးဟာ သူလိုခြင်တဲ့ငါးရဖို့ အတွက်ကို ရေကန်၊ အင်း၊ အိုင်(နေရာဒေသ) ကိုရွေး ချယ်ပြီး သူလိုချင်တဲ့ငါးမျိုးရဖို့အတွက် အရောင်၊ အရွယ်အစား အစရှိသောအချက်အလက်များ(ဂုဏ်ပကာသန၊ အရည်အချင်း စသော)နှင့် ယှဉ်ပြီး ငါးတစ်ကောင်ရဖို့ ကြိုးစားမျှားကြတာများပါတယ်။

ငါးမျှားချိတ်နှင့် ငါးစာကို အချိန်ကုန်ခံ စောင့်ဆိုင်း၊ မလိုချင်တဲ့ငါးမျိုးကျတော့ အဆုံးခံပြီးပြန်လွှတ်ပေးလိုက်ပြီး၊ လိုချင်တဲ့ငါးမျိုးလေးကို စောင့်နေကြတာပါပဲ။ လိုချင်တဲ့ငါးမျိုးလေးများ တွေ့ပြန်တော့လည်း၊ ငါ့ငါးမျှားချိတ်မှာ ချိတ်ထားတဲ့ ငါးစာမှာ လာမှ ဟတ်ပမှာလားဆိုပြီး စိတ်ပူမိသေးတယ်။ (လက်တွေ့ဘ၀မှာကြတော့ ကောင်မလေးတစ်ယောက်ပြန်ချစ်ဖို့ ပိုးကြေးပန်းကြေးတွေပေး၊ အလိုလိုက်၊ အကြိုက်ဆောင် ရင်းနှီးအောင်လုပ်တဲ့ အချိန်တစ်ပိုင်းလေးပေါ့။) အော်..... ငါးလေးက အစာကိုလာဟပ်တဲ့ အချိန် (တနည်းအားဖြင့်၊ ကောင်လေးက ကောင်မလေးကို ချစ်ခွင့်ပန်တဲ့ အချိန်ကာလလေးပေါ့)။ အခုတော့ ငါးကလေးက ငါးမျှားချိတ်မှာ ချိတ်မိနေပြီး။( အော်.... ခုတော့ ကောင်မလေးက ကောင်လေးကို အဖြေပြန်ပေးလိုက်ပြီး ---ချစ်တယ်တဲ့--- ။) ငါးမျှားတဲ့ တံငါသည်လေးကတော့......
သူ့ငါးမျှားချိတ်မှာ သူလိုချင်တဲ့ငါးလေးလာပြီး မိတော့ ပျော်နေတာပေါ့။ (ကျွန်တော်တို့ အတွက်ကတော့ ချစ်သူတစ်ယောက် ရသလိုပေါ့.....)။ အော်.... ခုကျပြန်တော့လည်း... မိထားတဲ့ ငါးလေးပြန်မလွှတ်သွားပဲ ကိုယ့်လက်ထဲ ရောက်အောင်လို့၊ ငါးမျှားတံက ကြိုးလေးကို လျှော့လိုက်၊ တင်းလိုက်နဲ့ ကြိုးစားပြီး လက်ထဲကိုရောက်အောင် ကြိုးစားရတာပေါ့။ (ကောင်လေးကလည်း ကောင်မလေးအကြိုက် ကို လျှော့သင့်တာလျှော့၊ တင်းသင့်တာတင်း လုပ်ပေးနိုင်တာလေးတွေကို စိတ်ရှည်စွာနဲ့ သည်းခံပြီး လုပ်ပေးနေရတဲ့ အချိန်လေးပေါ့....)။

ဒီလိုဒီလိုနဲ့ ငါးကလေးက မောပန်းပြီးမာန်လျှော့လိုက်တဲ့ အချိန်မှာတော့ ငါးမျှားတဲ့ တံငါသည်ရဲ့ လက်အတွင်းကို ရောက်ရှိသွားပြီးလေ.....။(ကောင်မလေးက ကောင်လေးကို ယုံကြည်ပြီး ချစ်ခြင်းဆိုတဲ့ အနှောင်အဖွဲ့က ရစ်ပက်သွားတဲ့ အချိန်.......)။ ငါးမျှားတဲ့ တံငါသည်လေးကတော့ စိတ်ထဲမှာတွေးမှာပဲနော်၊ ငါလိုချင်တဲ့ ငါးကလေးကတော့၊ ငါ့ရဲ့လက်ထဲကိုရောက်လာပြီး ငါလုပ်ချင်သလိုလုပ်လိုတော့ ရပြီး....... အိမ်ကငါးကန်လေးမှာမွေးရင် ကောင်းမလား..... အလှပဲကြည့်နေရင်ကောင်းမလား...... ဒီငါးလေးကို ဆော့ကစားရင်ကောင်းမလားပေါ့........။( ဒီလိုပဲ ကောင်လေးတွေကလည်း ကောင်မလေး ငါ့ဘက်ကိုပါလာပါပြီး........ အခုအချိန်မှာ ငါလုပ်ချင်တာ လုပ်လို့ရပြီလေ........ နောက်ရည်းးစားထားရင်ကောင်းမလား........ ငါပျော်သလို နေလိုရပါတယ်လေပေါ့.....)။ ငါးကလေးခင်ဗျာ သနားပါတယ်နော်....။ အချိန်အပိုင်းအခြားတစ်ခုကြာလာတော့လည်း တံငါသည်လေးက ငါးကလေးကို ရိုးသွားတာပါပဲ။ အဲဒီ အချိန်ကြတော့လည်း ငါးကလေးကို ပြန်လွှတ်ပေးဖို့ စဉ်းစားလာတယ်။ (ကောင်လေးနဲ့ ကောင်မလေး ချစ်နေရတာ ကြာလာတော့လည်း ပျင်းလာတယ်နဲ့တူပါတယ်။ အဆက်အသွယ်လုပ်တာ နဲလာပြီးလေ။)

မကြာခင်မှာပဲ တံငါသည်လေးက ငါးကလေးကို ပြန်လွှတ်ပေးလိုက်တယ်။ ငါးကလေးမှာတော့၊ နေခဲ့ရတဲ့ ငါးအိမ်လေး၊ အဖြည့်ခံဖြစ်မှန်းမသိ သူပျော်ပါစေ ဆိုပြီး ဖြည့်ဆည်းပေးခဲ့ရတဲ့ သံယောစဉ်ကလေးနဲ့အတူ တံငါသည်လေးကို အမှတ်ရစရာတွေနဲ့၊ အတူ ရင်မှာ အမှတ်ရစရာတွေနဲ့၊ ခံစားပြီး မိမိရဲ့နေရာအမှန်ဖြစ်တဲ့ အင်း၊ အိုင်ဆိုတဲ့နေရာကို ပြန်ရောက်ပြီး၊ တံငါသည်လေးကို သတိရလွမ်းဆွတ် ရတာပေါ့။ အော်........ လောကကြီးက တရားလိုက်တာနော်...........။ဒါပေမဲ့ တစ်ခါတစ်လေကြတော့လည်း ငါးကလေးက တံငါသည်လေးကို မရိုးသွားအောင် ဆွဲဆောင်နိုင်တာမျိုးလည်းရှိပါတယ်။ အဲဒီလိုမျိုးကြတော့လည်း တံငါသည်ကလေးခင်ဗျာ၊ ငါးကလေးကို ဆုံးရှုံးရမှာကို အတော်ကြောက်တတ်လာတယ်။ (ကောင်လေးကတော့ ကောင်မလေးကို တကယ့် အချစ်စစ်နှင့်၊ ချစ်တက်သွားတဲ့ အချိန်လေးပေါ့ဗျာ......)။

နောက်ဆုံးတော့လည်း....... တံငါသည်လေး သံယောစဉ်ရှိတဲ့ ငါးကလေးဟာ အညှီနံတွေ အထပ်ထပ်ဖုံးအုပ်ထားတဲ့ ငါးမျိုးမဟုတ်ပဲ သဘာဝအတိုင်း ရေထဲမှာ ကူးခက်နေတဲ့ ရိုးရှင်း၊ လှပတဲ့ ငါးကလေးတစ်ကောင်မျှသာ......။

(ကျွန်တော် ဒီပိုစ့်လ်လေးကို ရေးခဲ့တာဟာ မည်သူတစ်ဦးတစ်ယောက်ကိုမှ့ ရည်စူးပြီးရေးသားခြင်း မဟုတ်ပါဟု ရိုးသားစွာ ၀န်ခံပါသည်။ ဒီစာကို ကျွန်တော့်အနားယူနေစဉ် စိတ်ထဲရောက်လာလို့ ချရေးလိုက်တာဖြစ်ပါသည်။)



ဝိညာဉ်စေတမာန်